Elimizde eki ýnıverstıtet lısenzııasynan aıyrylýy múmkin. Bul týraly Ǵylym jáne joǵary bilim mınıstri Saıasat Nurbek málimdedi, dep habarlaıdy Egemen.kz.
Mınıstrdiń aıtýynsha, qazirgi ýaqytta atalǵan ýnıversıtetterge qatysty tekserý júrgizilip jatyr.
«Taǵy birneshe ýnıversıtet boıynsha jumys júrip jatyr. Qazir onyń ishinde eki ýnıversıtetke qatysty naqty sharalar atqarylýda», dedi Saıasat Nurbek.
Shymkentte mektep túlegi 23 sheteldik ýnıversıtetten shaqyrtý aldy
Alaıda mınıstr naqty qaı joǵary oqý oryndary ekendigin atamady. Onyń aıtýynsha, mundaı aqparatty merziminen buryn jarııalaý stýdentterge keri áser etýi múmkin.
«Bul jerde júzdegen myń stýdenttiń taǵdyry tur. Sońǵy sheshim qabyldanbaı turyp, prosedýralyq máselelerdi jarııalaý durys emes», dedi mınıstr.
Eske sala keteıik, buǵan deıin mınıstr bıyl talapkerlerge 89 myńnan astam memlekettik grant bólingenin aıtqan bolatyn.