Tanymal PR-shy, Eýrazııalyq taý kýrorttary alıansynyń bas hatshysy ári ózi de taý shańǵysymen turaqty túrde aınalysatyn Andreı Kýkýshkın álemniń kóp memleketterin aralaǵanyn, taýdaǵy kýrorttarymen shańǵy joldarymen tanys ekendigin aıta kele, Almaty taý klasteri básekege qabiletti jáne Kókjaılaý jobasynyń ekonomıkaǵa qyzmet etetin kezi kelgenin atap ótti, dep habarlaıdy Egemen.kz.
Taý kýrorttary alıansynyń ókili Andreı Kýkýshkın jobanyń belsendi qoldaýshysy retinde komanda 2014 jyldan bastap ekologııalyq máselelerdi basty nazarǵa qoıǵanyn málimdedi. Onyń aıtýynsha, taýly aımaǵy bar Bishkektiń ózi qala aýmaǵyna jaqyn jerde Almatyda josparlanyp otyrǵandaı aýqymdy ekonomıkalyq júıe qalyptastyra alǵan joq.
Sondaı-aq ol kýrort qurylysy halyqtyń ál-aýqatyna oń áser etetinin atap ótti. Joba jastardyń bazarda nemese biliktilikti qajet etpeıtin jumystarda emes, joǵary tehnologııalyq salada eńbek etýine múmkindik beredi.
Aıda Balaeva: Almaty Superski taýdaǵy týrızmdi damytýdyń úlgisine aınalýǵa tıis
Al Qazaqstandaǵy alǵashqy snoýbordshy Sergeı Spısynnyń aıtýynsha, qazir sheteldik qonaqtardyń aldynda uıalatyndaı jaǵdaı joq. Onyń sózinshe, Kókjaılaý – álemdegi eń ádiletsiz baǵalanǵan kýrorttardyń biri. О́zi týraly aıta kele, ol bul taý klasteriniń eń úlken qoldaýshylarynyń biri ekenin, tek barlyq jumys qoldanystaǵy zańnama aıasynda júrgizilýi kerek ekenin aıtty.
«Biz Shveısarııadaǵydaı uzyndyǵy 10 shaqyrym bolatyn taý soqpaǵyn salyp, ony qalaǵa syılaǵymyz keledi», dedi ol snoýbordshylar qaýymdastyǵy atynan.
Muhtar Taıjan: «Almaty Superski» jobasy 20 myńǵa deıin jumys ornyn ashýy múmkin
Almaty taý klasterin damytýǵa arnalǵan qoǵamdyq tyńdaýda qaýipsizdik máseleleri kásibı deńgeıde pysyqtalyp jatqany aıtyldy.
QazNISA ókili betkeılerdi bekitý, topyraqty qorǵaý jáne ózge de qaýipsizdikke qatysty máseleler jan-jaqty saralanyp, muqııat eskerilip jatqanyn jetkizdi. Bul pikir Kókjaılaý taý-shańǵy kýrorty jobasyna qatysty talqylaý barysynda qoıylǵan suraqqa jaýap retinde aıtyldy.
Almaty Superski: Kókjaılaýda qaýipsizdik qalaı qamtamasyz etiledi?
Almaty taý klasterin damytýǵa arnalǵan qoǵamdyq tyńdaýda tarıhı jáne arheologııalyq eskertkishterdiń qundylyǵy eskeriletini aıtyldy.
Otandyq ǵalymdarmen ózara is-qımyl máselesine toqtalǵan Kazakh Tourism Dev. LTD kompanııasynyń bas atqarýshy dırektory Erjan Erkinbaev sáýletshilerdiń ustanymdary profıldik ınstıtýtpen birlesip talqylanǵanyn málimdedi.
Spıkerdiń aıtýynsha, Kókjaılaý aýmaǵynda resmı tirkelgen sáýlet eskertkishteri joq. Sonymen qatar aýmaqta 123 arheologııalyq nysan anyqtalǵan. Onyń 46-sy saqtalady, al qalǵandary boıynsha mýzeılendirý jumystary júrgiziledi.
Erjan Erkinbaevtyń sózinshe, bul týrıster aǵynyn arttyrýǵa da jańa múmkindik beredi.