Pavlodar oblysynda jer silkinisi tirkelip, turǵyndar jer asty dúmpýlerin sezindi, dep habarlaıdy Egemen.kz.
Tótenshe jaǵdaılar mınıstrliginiń málimetinshe, 2026 jylǵy 26 mamyrda Astana ýaqytymen 11:28-de seısmıkalyq stansııalar jer silkinisin tirkegen. Epısentr Pavlodar oblysy aýmaǵynda, Baıanaýyl aýdany, Baıanaýyl aýyly mańynda ornalasqan.
Mınıstrliktiń dereginshe, jer silkinisiniń sezilý kúshi MSK-64 shkalasy boıynsha 2 balldy quraǵan.
Degenmen áleýmettik jelilerde turǵyndar dúmpýlerdiń aıtarlyqtaı sezilgenin aıtyp, úılerde jıhazdardyń qozǵalǵanyn, ydystardyń qulaǵanyn jazdy.
Japonııada jer silkindi: Dúmpýler qaıtalanýy múmkin
Qazir resmı organdar jaǵdaıdy naqtylap jatqanyn jetkizdi. Sondaı-aq jaǵdaıdy úılestirý jáne baqylaý maqsatynda Tótenshe jaǵdaılar mınıstrligi Pavlodar oblysy departamenti bazasynda jedel shtab qurylǵan.
Eske sala keteıik, 3 mamyrda saǵat 09:50-de Kaspıı teńizinde jer silkingen bolatyn.