Batys Qazaqstan oblystyq tarıhı-ólketaný mýzeıiniń qoryna aqyn, aǵartýshy Ǵumar Qarashtyń túpnusqa fotosýreti qosyldy. Ádebıet zertteýshisi Qabıbolla Sydıyqulynyń jeke arhıvindegi qundy jádigerdi mýzeıge usynǵan – ǵalymnyń jary Gúlshat Omarqyzy.
Ádebıettanýshy, fılologııa ǵylymdarynyń kandıdaty Qabıbolla Sydıyquly Ǵumar Qarashtyń tuńǵysh tolymdy jınaǵyn qurastyryp, alǵysózin jazyp, 1994 jyly «Ǵylym» baspasynan «Zamana» degen ataýmen shyǵarǵan. Keńes ókimeti jyldary aty-jóni umytylǵan, shyǵarmalary oqýlyqtardan alynyp, jarııalaýǵa tyıym salynǵan aǵartýshynyń esimin halyq jadynda jańǵyrtýǵa kóp úles qosqan ǵalym Ǵumar Qarashtyń túpnusqa fotosýretin de taýyp, aınalymǵa qosqan eken. Qazir biz jıi kóretin Ǵumar Qarashtyń qazaqy shapan kıgen sýreti, balasy Burhandy janyna alyp túsken beınesi dál osy sýretten alynǵan bolyp shyqty.
Kóne sýrette 4 adam beınelengen. Ǵumardyń janynda otyrǵan – 1917 jyly sáýirde Oral oblysynyń qazıy bolyp saılanǵan Qaıyrshah Ahmetjanuly ekenin tanydyq. Bul sýret Ǵumar men Qaıyrshahtyń Ýfada, Búkilreseılik dinı basqarmada qyzmet etip júrgen 1918 jyly túsken bolsa kerek. О́kinishtisi, sýrettiń syrtqy betindegi kóne jazý óship, oqylmastaı bolypty. Qazir mýzeı mamandary kóne sýrettiń tarıhyna qatysty málimetterdi surastyryp jatyr.
Batys Qazaqstan oblysy