Astanada Qurban aıt merekesi qarsańynda sanıtarlyq-epıdemıologııalyq jáne veterınarlyq qaýipsizdik sharalary kúsheıtildi. Bıyl Qurban aıt 27-29 mamyr aralyǵynda ótedi. Mereke kezeńinde sanıtarlyq normalardy saqtaý, juqpaly aýrýlardyń aldyn alý jáne qurban shalý rásimin qaýipsiz ótkizý máselelerine erekshe kóńil bólinedi. Bul týraly elorda ákimdiginiń resmı saıty málimdedi, dep habarlaıdy Egemen.kz.
Qalalyq sanıtarlyq-epıdemıologııalyq baqylaý departamentiniń málimetinshe, mal soıý tek arnaıy belgilengen jáne jabdyqtalǵan oryndarda ǵana ruqsat etiledi. Turǵyn úılerdiń aýlasynda, kóshede, podezderde jáne basqa da qoǵamdyq oryndarda mal soıýǵa tyıym salynady.Osy maqsatta elordada bes arnaıy alań belgilengen:
Baıqońyr aýdany:
• «Shanhaı» bazary – Alash tasjoly, 34/6;
• «Barakat» bazary – A 369 kóshesi, 10;
• «Jaılaý» bazary – Alash tasjoly, S 313 kóshesi;
• «Sháýshen» sharýa qojalyǵy – Alash tasjoly, 136B.
Almaty aýdany:
• «Et-Han» et sehy – Temirjolshylar eldi mekeni, Aqjar kóshesi, 20.
Bıyl Qurban aıt merekesi erekshe formatta toılanbaq: Bas múftı mańyzdy málimdeme jasady
Mal soıylǵan oryndarda qalǵan qaldyqtar belgilengen tártippen joıylýy qajet. Olardy turmystyq qaldyq konteınerlerine tastaýǵa bolmaıdy.Turǵyndar sanıtarlyq talaptardy saqtaýy, qoǵamdyq tártipti buzbaýy jáne Qurban aıt kezinde qaýipsizdik erejelerine jaýapkershilikpen qaraýy qajet.
Eske salaıyq, buǵan deıin Qurban aıt qarsańynda mal baǵasy qymbattaǵany týraly habarlaǵanbyz.