Almaty oblysy Talǵar aýdanyndaǵy Besqaınar aýylynda Almaty taý klasterin damytý jobasyna arnalǵan qoǵamdyq tyńdaý ótip jatyr. Jıynda týrıstik ınfraqurylymdy jetildirý, Ile Alataýy tabıǵatyn saqtaý, ekologııalyq turaqtylyq jáne jobalardyń áleýmettik áseri keńinen talqylanýda, dep habarlaıdy Egemen.kz.
Qoǵamdyq tyńdaý barysynda turǵyndar men sarapshylar jobaǵa qatysty usynys-pikirlerin bildirip, óńirde zamanaýı taý týrızmin damytý bastamasyna qyzyǵýshylyq joǵary ekenin atap ótti. Kópshilik joba aımaqtyń týrıstik áleýetin arttyrýǵa múmkindik beredi degen pikir aıtty.
Almaty taý klasteri jobasy halyqaralyq deńgeıdegi jyl boıy jumys isteıtin zamanaýı taý ekojúıesin qalyptastyrýdy kózdeıdi. Onyń aıasynda aspaly joldar, túrli deńgeıdegi shańǵy trassalary, týrıstik nysandar salý josparlanǵan. Sonymen qatar jazǵy demalys túrlerin damytýǵa da basymdyq berilmek. Atap aıtqanda, haıkıng baǵyttary, velojoldar jáne belsendi demalysqa arnalǵan ózge de ınfraqurylym jasalady.
Aıda Balaeva: Almaty Superski taýdaǵy týrızmdi damytýdyń úlgisine aınalýǵa tıis
Joba sheńberinde Shymbulaq kýrorty men Oi-Qaragai demalys aımaǵyn Kimasar, Býtakov shatqaldary jáne «Pıoner» kýrorty arqyly baılanystyratyn aspaly joldar men trassalar júıesin salý qarastyrylǵan.
Talqylaý barysynda ekologııalyq turaqtylyq jobany júzege asyrýdaǵy negizgi qaǵıdalardyń biri ekeni erekshe aıtyldy. Sondaı-aq «Pıoner» kýrortynyń áleýmettik jáne ınklıýzıvti baǵyty saqtalatyny atap ótildi.
Talǵat Ǵazızov: Qazaqstanda týrızm salasy turaqty ósim kórsetip otyr