Aqmola oblysynda dúken ishinde áıel adam satýshyǵa pyshaq ala júgirgen. Oqıǵa sáti saýda zalyndaǵy beınebaqylaý kameralaryna túsip qalǵan, dep habarlaıdy Egemen.kz.
Vıdeoda áıel adamnyń kenetten satýshyǵa sýyq qarýmen tap berip, shabýyl jasaǵany kórinedi. Bul kadrlar keıinnen áleýmettik jelilerde tarap ketken.
Aqmola oblysy polısııa departamentiniń málimetinshe, oqıǵa saldarynan eshkim aýyr jaraqat almaǵan. Al kúdikti kóp uzamaı ustalǵan.
«Aldyn ala málimet boıynsha, oqıǵa saldarynan eshkim aýyr jaraqat almaǵan. Qazirgi ýaqytta bolǵan jaǵdaıdyń sebepteri anyqtalyp jatyr. Osy derek boıynsha qylmystyq is qozǵaldy», delingen vedomstvo habarlamasynda.
Sondaı-aq polısııa kúdiktiniń ádettegi tártippen qamaýǵa alynbaǵanyn, onyń arnaıy medısınalyq mekemege ornalastyrylǵanyn málimdedi.
Alty tustan pyshaq suqqan: Taldyqorǵanda mektep oqýshysy stýdentti óltirdi degen kúdikke ilindi
Eske salsaq, buǵan deıin de Aqmola oblysynda 18 jastaǵy jasóspirimdi burynǵy synyptasy pyshaqtap ketken edi.