Premer-mınıstr Oljas Bektenov demalys kezinde balalar men jasóspirimderdiń qaýipsizdigin qamtamasyz etý sharalaryn kúsheıtý qajet ekenin aıtty, dep habarlaıdy Egemen.kz.
Oljas Bektenovtiń aıtýynsha, Ishki ister, Tótenshe jaǵdaılar mınıstrlikteri ákimdiktermen birge balalar men jastar kóp jınalatyn oryndarda patrýldeýdi uıymdastyryp, mektep bitirý is-sharalary kezeńinde, balalar ortalyqtary men saýyqtyrý uıymdaryna polısııa qyzmetkerlerin bekitip qoıýy qajet.
«Balalar lagerleriniń jetekshilerimen, nusqaýshylarmen jáne tárbıeshilermen qaýipsizdik sharalary týraly túsindirý jumystaryn júrgizip, demalýshylardy evakýasııalaý jáne qutqarý boıynsha jattyǵýlar ótkizińizder», dedi Premer-mınıstr.
Mınıstr: Balalardyń jazǵy demalysy jańa talappen uıymdastyrylady
Oljas Bektenov demalys kezinde jastardy zańsyz áreketke tartý qaýpi arta túsetinin atap ótti.
«Kanıkýl kezinde jastardy zańsyz áreketke tartý qaýpi arta túsedi. Kámeletke tolmaǵandardy qylmys tuzaǵyna tartatyndarǵa bultartpas jaza qoldanýdy qamtamasyz etý qajet. Qoǵam men áleýmettik jelilerdegi kez kelgen dabylǵa dereý jaýap berý kerek», dedi Premer-mınıstr.
Eske salaıyq, balalar qaýipsizdigi úshin 7 myńǵa jýyq saıtqa shekteý qoıyldy.