Elimizde jazǵy demalys kezeńinde poıyzdar men áýe reısteriniń sany artady. Bul týraly Kólik mınıstrligi habarlady, dep jazady Egemen.kz.
Qazaqstanda jazǵy demalys jáne mektep kanıkýly kezeńinde kólik qatynasynyń qoljetimdiligin arttyrý boıynsha qosymsha sharalar qabyldanýda. Jolaýshylar suranysynyń artýyna baılanysty Kólik mınıstrligi kólik kompanııalarymen birlesip suranysqa ıe týrıstik baǵyttar boıynsha temirjol marshrýttary men áýe reısteriniń sanyn kóbeıtip jatyr.
Mınıstr: Balalardyń jazǵy demalysy jańa talappen uıymdastyrylady
Temirjol tasymaly2026 jyldyń jazǵy maýsymynda 15 qosymsha temirjol marshrýty uıymdastyrylady. Qosymsha poıyzdar 2026 jylǵy 16 maýsymnan bastap qatynaı bastaıdy.
Baǵyttar qatarynda Astana, Almaty, Qaraǵandy, Aqtóbe, Semeı, О́skemen, Qyzylorda jáne Pavlodar qalalarynan Dostyq pen Balqash sekildi týrıstik jáne kýrorttyq aımaqtarǵa qatynaıtyn poıyzdar bar.
Atalǵan sharalar jazǵy kezeńde poıyzdarda shamamen 550 myń qosymsha oryn ashýǵa múmkindik beredi.
Sonymen qatar jolaýshylar aǵynynyń artýyna qaraı qoldanystaǵy poıyz quramdary kezeń-kezeńimen ulǵaıtylatyn bolady. Jazǵy maýsymda poıyz quramdary orta eseppen 19-21 vagonǵa deıin kóbeıedi. Al maýsymaralyq kezeńde bul kórsetkish 13-15 vagondy quraıdy.
Sondaı-aq 2026 jylǵy 1 maýsymnan bastap Qaraǵandy – Balqash baǵyty boıynsha №219/220 jolaýshylar poıyzy iske qosylady.
Jazǵy demalysta balalarǵa arnalǵan 11 myńnan asa ortalyq jumys isteıdi
Áýe tasymaly2026 jyldyń maýsym-tamyz aılary aralyǵynda Astana – Balqash, Úrjar, Úsharal jáne Almaty – Balqash, Úrjar, Úsharal baǵyttary boıynsha aptasyna 7 reıske deıin qosymsha áýe reısteri ashylady.
Atalǵan baǵyttar boıynsha áýe bıletteriniń quny áleýmettik qoljetimdi deńgeıde saqtalady – 16 myńnan 20 myń teńgege deıin. Bul kóptegen otbasylarǵa elimizdiń týrıstik aımaqtarynda jazǵy demalysty qoljetimdi uıymdastyrýǵa múmkindik beredi.
2026 jyly Qazaqstanda aptasyna 813 reıs jıiligimen 60 ishki áýe baǵyty boıynsha turaqty reıster oryndalady. Turaqty áýe marshrýttaryn sýbsıdııalaý baǵdarlamasy aıasynda 24 baǵytty, onyń ishinde 16 týrıstik baǵytty qoldaýǵa 6,4 mlrd teńge kóleminde qarjy qarastyrylǵan.
Qabyldanyp jatqan sharalar ishki týrızmdi damytýǵa, óńirlerdiń kólik qoljetimdiligin arttyrýǵa jáne jazǵy demalys kezeńinde azamattardyń jaıly ári qaýipsiz sapar jasaýyna qosymsha múmkindik beredi.
31 shildeden bastap Almatydan Izmırge tikeleı reıster ashylady