Oqý-aǵartý mınıstrligi mektepterdegi BJB men TJB júıesinen birtindep bas tartý múmkindigin qarastyryp jatyr. Onyń ornyna baqylaý jumystary keńirek qoldanylýy múmkin. Bul týraly úkimettegi brıfıngte Oqý-aǵartý mınıstri Juldyz Súleımenova málimdedi, dep habarlaıdy Egemen.kz.
Mınıstr Juldyz Súleımenovanyń aıtýynsha, qazir bul másele boıynsha aýqymdy taldaý jumystary júrgizilip jatyr. Sonymen qatar mektepterde qazirdiń ózinde dıktant, shyǵarma jáne mazmundama sııaqty jeke baqylaý jumystary engizilip jatyr.
«Sondyqtan birtindep BJB men TJB-dan bas tartýdy oılastyryp jatyrmyz. Biraq ol úshin naqty negizdeme men taldaý qajet», dedi mınıstr.
Onyń aıtýynsha, bıyl Orta bilim komıteti men Oqý-aǵartý mınıstrligi 2025-2026 oqý jylyndaǵy 1-11 synyptar boıynsha BJB men TJB-ǵa taldaý júrgizgen. Tamyz konferensııasyna deıin qaı synyptarda baǵalaý jıyntyǵy saqtalatyny, al qaı synyptarda olardyń ornyna baǵalaýdyń basqa túrleri engiziletini anyqtalmaq.
BJB men TJB-ǵa baılanysty júkteme máselesi birneshe jyldan beri kóterilip keledi. 2019 jyly mınıstrlik keı mektepterde kúnine 6-7 BJB nemese TJB ótkiziletinin aıtyp, muny jol berýge bolmaıtyn jaǵdaı dep baǵalaǵan edi.
Aıta keteıik, Qazaqstanda mektep muǵalimderiniń ózderi sabaq beretin oqýshylarǵa aqyly qosymsha sabaq ótkizýine tyıym salynbaq.