Astanada 20 jastaǵy stýdent Aısáýle Qanahanyń ólimine qatysty tergeý jalǵasyp jatyr. Qyzdyń denesi 1 sáýir kúni Esil jaǵasynan basyna paket kıgizilgen kúıde tabylǵan. Týystary onyń ólimi kıberalaıaqtardyń psıhologııalyq qysymymen baılanysty bolýy múmkin dep esepteıdi, dep habarlaıdy Egemen.kz.
Newtimes.kz málimetinshe, Aısáýle «Shabyt» ýnıversıtetinde grafıkalyq dızaın mamandyǵynda oqyǵan. Otbasynyń aıtýynsha, óleriniń aldynda ol ózin Ulttyq bank qyzmetkeri retinde tanystyrǵan «Kalashnıkov D.N.» esimdi adammen hat almasqan. Álgi adam qyzdy «dropper» boldy dep qorqytyp, qylmystyq jaýapkershilikke tartylýy múmkin ekenin aıtqan.
31 naýryzda Aısáýle taksımen saýda ortalyǵyna baryp, alaıaqtarǵa shamamen 1,1 mln teńge aýdarǵan. Taksıge de sol adam tapsyrys bergeni aıtyldy. Sol túni ol WhatsApp arqyly uzaq sóılesken.
Kelesi kúni tańerteń ata-anasy bank shotynan aqsha joǵalǵanyn baıqap, qyzymen sóılespek bolǵan. Alaıda Aısáýle aqshany kimge jibergenin aıtpaı, kóp uzamaı úıden syrt kıimsiz shyǵyp ketken. Keıin onyń denesi ózen mańynan tabyldy.
Aq úı mańynda atys bolyp, kúdikti qaza tapty
Otbasy bul iste kúmándi jaıttar kóp ekenin aıtady. Ákesiniń sózinshe, máıitten bas jaraqaty baıqalǵanymen, ol saraptama qorytyndysyna engizilmegen. Sondaı-aq, paket bos baılanǵandyqtan, tunshyǵý sebebi kúmán týdyrady deıdi.
Ata-anasy tergeýdiń baıaý júrgenine narazy. Olar qyzdyń telefonyndaǵy hattar ýaqytynda tekserilmegenin, Aısáýlege birneshe kıberalaıaq qysym kórsetkenin aıtady. Hattardan qyzdyń baqylaýda bolǵany baıqalǵan.
Qazir otbasy «kıberalaıaqtyq» pen «ózin-ózi óltirýge ıtermeleý» baptary boıynsha qozǵalǵan eki isti biriktirýdi talap etip otyr. Olar Aısáýleniń ólimi men kıberalaıaqtardyń áreketi tikeleı baılanysty dep sanaıdy.
Pákistanda poıyzda jarylys bolyp, 24 adam qaza tapty