Ál-Farabı atyndaǵy Qazaq ulttyq ýnıversıtetiniń ǵalymdary Qazaqstanda alǵash ret lıtıı-ıondy batareıalardy keshendi qaıta óńdeýge baǵyttalǵan ǵylymı jobany júzege asyryp jatyr, dep jazady Egemen.kz.
Innovasııalyq joba ýnıversıtettiń Elektrohımııalyq óndirister tehnologııasy zerthanasy bazasynda oryndalyp jatyr. Zertteý jumystaryna PhD, dosent Fıodor Malchık jetekshilik etedi. Jobanyń basty maqsaty – isten shyqqan akkýmýlıatorlardy qaýipsiz kádege jaratyp qana qoımaı, olardyń quramynan lıtıı, kobalt jáne nıkel sııaqty sırek kezdesetin baǵaly metaldardy bólip alý. Bul shıkizattardy keıinnen óndiriste qaıta paıdalaný kózdelip otyr.
Shveısarııanyń SWISS ushaǵy Almaty áýejaıyna shuǵyl qondy
Ǵalymdar qoldanbaly zertteýler barysynda mehanohımııalyq, sonohımııalyq jáne elektrohımııalyq ádisterdi qamtıtyn biregeı tehnologııalyq tásilderdi qoldanyp jatyr.
«Paıdalanylǵan batareıalar – qorshaǵan orta úshin qaýipti qaldyq qana emes, sonymen birge baǵaly metaldardyń kózi. Bizdiń joba akkýmýlıatorlardy jınaý men qaýipsiz razrıadtaýdan bastap, olardan qundy komponentterdi bólip alyp, qaıta óńdeýge deıingi tolyq sıkldy qamtıdy. Osylaısha, biz qaýipti qaldyqtardy ekonomıkalyq turǵydan tıimdi resýrsqa aınaldyrýdy maqsat etip otyrmyz», dedi joba jetekshisi Fıodor Malchık.
Bul baǵdarlamanyń iske asyrylýy elimizdegi ekologııalyq táýekelderdi azaıtýǵa jáne tehnogendik qaldyqtar kólemin qysqartýǵa septigin tıgizedi. Sonymen qatar, joba Qazaqstannyń jasyl tehnologııalar salasyndaǵy ǵylymı áleýetin nyǵaıtyp, ımportty almastyratyn strategııalyq shıkizat bazasyn qalyptastyrýǵa baǵyttalǵan.
ALMATY
Jappaı tóbeles: Almatydaǵy eki jasóspirimniń óliminen keıin qylmystyq is qozǵaldy