Belgili prodıýser Baıan Alagózova Qazaqstannyń halyq ártisi, «Qyz Jibek» fılmindegi basty róldi somdaǵan Merýert О́tekeshovaǵa páter syılaıtynyn málimdedi. Bul týraly ol aktrısamen kezdesý barysynda aıtty, dep habarlaıdy Egemen.kz.
Prodıýserdiń sózinshe, páter aktrısanyń qalaýyna saı, ózi tańdaǵan aýdannan alynady.
«Sizdeı adam joq jáne bolmaıdy. Sizge qalaǵanyńyzdaı páter syılaǵym keledi. Eki aı ishinde tańdap beremiz. Siz eń jaqsy jaǵdaıda ómir súrýge laıyqsyz», dedi Baıan Alagózova.
Kezdesý barysynda prodıýser aktrısaǵa biregeı úlgide jasalǵan syrǵa men baǵaly ton da tartý etti.
Mınıstrlik «Qyz Jibek» fılminiń rekvızıtterine qatysty málimdeme jasady
Sondaı-aq Baıan Alagózova qoǵamda qyzý talqyǵa túsken «Qyz Jibek» keıipkeriniń ańyzǵa aınalǵan kamzolyn Merýert О́tekeshovaǵa tabystady.
Merýert О́tekeshova Baıan Alagózovanyń kamzoly túpnusqa ekenin rastady
Buǵan deıin Baıan Maqsatqyzy aktrısaǵa aı saıyn 1 mln teńge kóleminde ómir boıy zeınetaqy tóleýge ýáde bergeni málim.