Turǵyn úı jaǵdaıy jaqsara túspek

Almatyda Premer-Mınıstrdiń birinshi orynbasary О́mirzaq Shókeevtiń qatysýymen turǵyn-úı kommý­nal­dyq sharýashylyǵyn modernızasııalaý máselesine arnalǵan keńes bolyp ótti. О́.Shókeev memlekettik ma­ńy­zy zor bul jumysty júzege asy­rýdyń tıimdi tetikteri men naq­ty joldaryna keńinen toq­tal­dy. Bıýd­jet esebinen qar­jy­lan­dy­ry­latyn memlekettik baǵ­darlama aıasynda turǵyn úıdi jáne kom­mý­naldyq júıe­lerdi jóndeý ju­mystary bı­yl­ǵy jyldyń jaz aı­larynda bas­tal­maq. Kópten kút­ken bul má­selege oraı Úki­met­te eki birdeı baǵdarlama jasaǵan. Turǵyn úı-kommýnaldyq sala­ny jańǵyrtý jáne «Aqbulaq» baǵ­dar­lamasyn júzege asyrý úshin mol qarajat bólinýde. Baǵdar­la­many júzege asyrý­dyń úsh túrli baǵyty men tetigi bar. Máselen, jartysyna jýyǵy eskirgen kom­mýnaldyq júıelerdi jóndeý ju­mystary bıýdjet jáne tarıf­ter­diń birtindep ósýi esebinen otyz paı­yzǵa jýyq kólemde qarjy­lan­dyrylady. Almatyǵa jumys sapary aıasynda qaladaǵy Bos­tan­dyq aýdanynda bolǵan О́mir­zaq Shókeevtiń pikirinshe, Alma­ty qalasyndaǵy jylý júıe­lerin jáne eskirgen úılerdiń birine jylý qon­dyrǵysyn aýys­tyrýda jaqsy tájirıbe jınaq­talǵan. Mun­daı qondyrǵylar elektr qýa­tynyń 50 paıyzyn únemdeýge múmkindik beredi. Jıynda Almaty qala­sy­nyń ákimi Ahmetjan Esimov Úkimet qa­byldaǵan baǵdar­la­many dáı­ek­­ti túrde júzege asyrýdy ba­qy­laý úshin turǵyn úı ınspek­sııasyn qurýdy jedeldetý qajettigin eskertip ótti. Bir quptarlyǵy, Al­maty qalasynda qazirdiń ózinde ınjenerlik kom­mýnıkasııany paı­­dalaný jáne onyń jaǵ­daıyn baqylaý men monıtorıngke ar­nalǵan birtutas aqparattyq jeli jasaqtalýda. Atap aıtarlyǵy, Turǵyn úı-kommýnaldyq sharýashy­lyǵyn mo­dernızasııalaý baǵ­darlama­syn iske asyrý ná­tı­jesinde elektr jáne jylýmen jab­dyqtaý júıe­le­riniń elý paıyzy jańartyl­maq. Qazaq­standaǵy ınjenerlik jelilerdi jóndeý «Jol kartasy» negizinde júrgiziledi. Baqyt BALǴARINA. Almaty.