Saıası sheshimder jobalary bekitildi

Mańyzdy saıası májilis IKU SIMK-niń jyl saıynǵy sessııasy qarsańynda alǵashqy ret Qazaqstannyń tóraǵalyq etýimen ótti jáne Astanada aldaǵy  28-30 maýsym kúnderi ótetin Syrtqy saıasat vedomstvolarynyń basshylary Keńesinde qaralatyn basty saıası sheshimderdiń jobalary bekitildi. 15 maýsymda Jıddada (Saýd Arabııasy) IKU-ǵa múshe memleketter Joǵarǵy laýazymdy tul­ǵalary (JLT) úsh kúndik kez­desýiniń ashylýynda sóz sóı­lep turyp, IKU Bas hatshysy E.Ihsanoǵlý Qazaqstandy al­da­ǵy Syrtqy ister mınıstrleri ke­ńesiniń (SIMK) 38-ses­sııa­sy­na tóraǵalyq etýimen quttyq­ta­dy. Ol «Qazaqstannyń damýy men saıası salmaǵy, bárimizge belgili jigerli qyzmeti jáne dıplomatııalyq deńgeıi» IKU-ǵa tek tabys ákeletinin erekshe atap kórsetti. Sondyqtan, onyń pikirinshe, SIMK Astana ses­sııa­sy «erekshe bolady» jáne «Úmmettiń ıgiligine ortaq is­terdiń keleshek damýyna septigin tıgizedi» dep kútilýi zańdy. E.Ihsanoǵlý Astana uıym bedeliniń nyǵaıýyna ózindik edáýir úlesin qosty dep atap kórsete otyryp, Qazaqstannyń EQYU tóraǵalyǵy kezinde IKU basqa da álemdik aımaqtyq birlestiktermen qarym-qatynasyn keńeıtip, tolyqtyrdy, dedi. «Alǵash ret uıym tarı­hyn­da IKU Astanadaǵy EQYU Sam­mıtinde jáne Venadaǵy EQYU Turaqty keńesinde sóz sóıleýge múmkindik aldy. Biz ornyqqan yntymaqtastyqty ortaq múdde máseleleri boıynsha, sonyń ishinde demokratııalandyrý, adam quqyǵy men saılaýdy baqy­laýǵa qatysty ózara qarym-qa­tynas pen konsýltasııa arqyly jedeldetýge kelistik», dep Bas hatshy jumysy týraly múshe memleketter aldynda berilip, JLT májilisi kezinde tara­tyl­ǵan esepte aıtylǵan. Qazaqstan Syrtqy ister mı­nıstriniń orynbasary K.Oma­rov­tyń tóraǵalyǵymen ótken sha­raǵa qatysýshylar Azııa, Afrıka, Eýropa jáne Ońtústik Ame­rıkadaǵy 57 múshe mem­le­ket­terdiń ortaq múddelerine qatys­ty keńeıtilgen saıası máselelerge óz oılaryn bildirdi. Dıplomattar terrorızmmen kúres, dinder defa­masııasy, qarýsyzdaný úde­ri­si, mu­sylman memleketterindegi adam quqyǵy, tabıǵı apat sal­darlaryn joıý, Taıaý Shyǵys pen Batys Af­rı­kadaǵy shıelenisken janjal­dar­dy sheshý, sonymen qatar, 2005 jyly uıymnyń Mekke Sammıtinde qabyldanǵan IKU is-áreket­te­riniń 10 jyldyq baǵ­darlama­synyń júzege asýy má­se­le­lerine qatysty jaǵdaılardy talqylady. Qarqyndy jumystar nátı­je­sin­de májiliske qatysýshylar uıymnyń saıası, zańdy, ákimshilik jáne aqparattyq qamtamasyz etý salalaryna qatysty IKU qa­ra­rynyń jobasyn maquldady. Qa­rar jobasyna qatysty sońǵy sheshimdi múshe memleketterdiń syrt­qy saıasat vedomstvosy bas­shylary Astanada qabyldaıtyn bolady. Jıddada delegasııalar qazaq­stan­dyq dıplomatııa ázirlegen eki qarardy qoldady. Birinshisi, Aý­ǵanstandaǵy esirtki tasy­maly­men kúreske halyqaralyq kúsh salýdy úılestirýge qatysty, ekinshisi, IKU-nyń EQYU men basqa da halyqaralyq uıymdar arasynda mazmundy qarym-qa­tynasty keńeıtý qajettiligine baılanysty. Osyǵan deıin IKU mem­le­ket­teriniń dıplomattary ekono­mı­kalyq, saıası jáne mádenı má­selelerge qatysty Islam ko­mıssııasynyń 24-26 sáýirde ót­ken májilisinde Aral teńizi men burynǵy Semeı ıadrolyq polı­gony aımaqtaryndaǵy ekolo­gııa­lyq apat saldarlaryn joıýda álem­dik qoǵamdastyqty jár­dem­desýge shaqyratyn Qazaq­stan­nyń bastamasymen jasal­ǵan SIMK qarary jobalaryn maquldady. JLT-nyń 15-17 mamyrdaǵy má­jilisiniń nátıjesi uıymǵa múshe mem­leketterdiń aldaǵy Astanada Qazaqstannyń tór­aǵa­lyq etýimen uıym damýynyń oń úrdisin bekitip jáne IKU-ǵa mú­she memleketter halqynyń jaǵ­daı­yna qatysty ma­ńyz­dy sheshimderdi nyǵaıtý men jú­­ze­ge asy­rýǵa sheshimder qabyl­daý­­da IKU SIMK-ge qatysty ashyq ta ja­ǵymdy kózqarastaryn bildirdi. Sýrette: (sodan ońǵa qa­raı) IKU Bas hatshysy E.Ihsa­n­oǵlý, Qazaqstannyń Syrt­qy ister mı­nıstriniń orynbasary K.Omarov, Erekshe tapsyr­malar jónindegi QR SIM-iniń elshisi D.Bakıshev.