Kókshetaýda antıterrorıstik oqý-jattyǵýlar ótip jatyr. Bul týraly Aqmola oblystyq IID-niń baspasóz qyzmeti habarlady.
«3 mamyr kúni Kókshetaý aýmaǵynda Terrorızmge qarsy ortalyq shtabynyń, UQKD, IID, TJD jáne terrorızmge qarsy kúres boıynsha Aqmola oblystyq jedel shtabyna enetin ózge de múddeli memlekettik organdardyń qatysýymen terrorızmge qarsy oqý-jattyǵýlar ótip jatyr», - delingen habarlamada.
Oqý-jattyǵýdyń negizgi mindeti - terrorıstik áreketke qarsy operasııalardy júrgizý úshin kúshter men quraldardyń úzdiksiz daıyndyǵyn qamtamasyz etý, vedomstvoaralyq ózara baılanysty nyǵaıtý.
Qala turǵyndary ótkizilip jatqan is-sharalarǵa jáne bolýy múmkin ýaqytsha qolaısyzdyqtarǵa túsinistikpen qaraýǵa shaqyrylady.