Almatyda kólik keptelisi joǵary kóshe qıylystarynda qozǵalysty retteý maqsatynda pılottyq joba qolǵa alynyp, júrginshiler men kólik qozǵalysyna arnalǵan jekelegen baǵdarsham fazalary ózgertiledi, dep habarlaıdy Egemen.kz.
Almaty qalasynyń Jol qozǵalysyn jáne jolaýshylar kóligin uıymdastyrý basqarmasynyń ókilderi negizgi ózgerister Nazarbaev dańǵyly – Gogol kóshesi, Abylaı han dańǵyly – Gogol kóshesi, Dostyq dańǵyly – Abaı dańǵyly, Seıfýllın dańǵyly – Maqataev kóshesi, Abaı dańǵyly – Altynsarın dańǵylynda engizilgenin málimdedi.
Qazaqstanda baǵdarsham tártibi ózgeredi: neni bilý kerek?
6 aqpanda pılottyq rejımde Nazarbaev dańǵyly men Gogol kóshesiniń, sondaı-aq Abylaı han dańǵyly men Gogol kóshesiniń qıylystarynda jańartylǵan qozǵalys syzbasy engizildi. Qalǵan ýchaskelerdegi ózgeristerdi 15 aqpanǵa deıin iske asyrý josparlanyp otyr.
Baǵdarsham nysandarynyń jumysyn túzetý Almaty qalasynyń Jol qozǵalysyn jáne jolaýshylar kóligin uıymdastyrý basqarmasy men Ákimshilik polısııa basqarmasy birlesip júrgizdi. Pılottyq joba aıasynda júrginshilerdiń qaýipsizdigin arttyryp, kólik qozǵalysyn jeńildetýge baǵyttalǵan qosymsha baǵdarsham fazasy engizildi.
О́zgerister qozǵalysty ońtaılandyrý, apattyq táýekeldiń qaýpin azaıtý maqsatynda eń kóp júktemesi bar qıylystarda engiziledi.
Aıta keteıik, buǵan deıin Almatyda ınklıýzıvti sportty damytýdy kózdeıtin jańa sport ortalyǵynyń qurylysy bastalǵanyn jazǵan edik.