Túrkistan oblysynyń Leńgir qalasynda qaraýsyz qalǵan ǵımarattan 21 jastaǵy jigittiń máıiti tabyldy. Marqumnyń denesinen pyshaq jaraqattary anyqtalǵan, dep habarlaıdy Egemen.kz.
Aldyn ala málimet boıynsha, atalǵan qylmysqa qatysy bar degen kúdikpen bıyl 9-synypty aıaqtaǵan kámeletke tolmaǵan qyz ustaldy. Qazirgi ýaqytta ol ýaqytsha ustaý ızolıatoryna qamalǵan.
Jasóspirim men marqumnyń arasynda ne bolǵany ázirge belgisiz. Oqıǵanyń barlyq mán-jaıyn polısııa qyzmetkerleri anyqtap jatyr.
Taldyqorǵanda joǵalyp ketken erekshe balanyń máıiti tabyldy
Túrkistan oblysy Polısııa departamentiniń málimetinshe, atalǵan fakti boıynsha adam óltirý deregimen sotqa deıingi tergep-tekserý bastalǵan.
«Kúdikti ustalyp, ýaqytsha ustaý ızolıatoryna qamaldy. Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan qajetti tergeý amaldary júrgizilýde», dep habarlady vedomstvonyń baspasóz qyzmeti.
Eske sala keteıik, buǵan deıin Aqtóbe oblysynda kópqabatty úıdiń aýlasynan er adamnyń máıiti tabylǵan bolatyn.