1 maýsym – Halyqaralyq balalardy qorǵaý kúni qarsańynda Astana qalasynyń Saryarqa aýdanynda jańartylǵan 8 aýla men bir qoǵamdyq keńistik paıdalanýǵa berildi, dep habarlaıdy Egemen.kz.
Kúrdeli jóndeýden ótken aýlalarda zamanaýı rezeńke jabyn tóselip, balalarǵa arnalǵan oıyn alańdary men fýtbol alańshalary jańartylǵan.
Elordada turǵyndardyń usynystary men tilekterin eskere otyryp, keshendi abattandyrý jumystary júzege asyrylǵan. Jańǵyrtý jumystary K. Kúmisbekov kóshesi, 7/1, Jeńis dańǵyly, 3 jáne 5, N. Tilendıev dańǵyly, 16/1, Tıtov kóshesi, 14, Konstıtýsııa kóshesi, 25 jáne 27, sondaı-aq Qartaly kóshesi, 6 mekenjaılarynda júrgizilgen. Budan bólek, Irchenko kóshesinde turǵyndarǵa arnalǵan jańa shaǵyn alleıa abattandyrylǵan.
«Aýdandaǵy abattandyrý jumystary munymen shektelmeıdi. Qazirgi ýaqytta Kenesary kóshesin qaıta jańǵyrtý jumystary júrgizilip jatyr. Joba aıasynda kóshe jıhazdary jańartylyp, eski jaryq shamdary zamanaýı úlgilerge aýystyryldy. Jeńis dańǵyly 3 jáne 5 mekenjaılarynda ekologııalyq taza materıaldardan jasalǵan zamanaýı sáýlet elementteri ornatyldy. Aldaǵy ýaqytta bul bastamany Saryarqa aýdanynyń ózge aýlalarynda da kezeń-kezeńimen engizý josparlanyp otyr» delingen Astana qalasy ákimdiginiń habarlamasynda.
Jańartylǵan aýlalardyń saltanatty ashylýynan keıin balalar arnaıy uıymdastyrylǵan is-sharalarǵa qatysyp,súıikti mýltfılm keıipkerlerimen kezdesti. Oıyndar men baıqaýlarǵa belsene qatysty. Balalarǵa estelik syılyqtar tabystaldy.
Qazaqstanda balalardyń qaýipsizdigine 1,3 trln teńge jumsalady
Astana qalasy ákimdiginiń málimetinshe, 2026 jyly aýdanda taǵy 4 aýmaqty zamanaýı standarttarǵa saı abattandyrý josparlanyp otyr.
Eske sala keteıik, 1 maýsym – Halyqaralyq balalardy qorǵaý kúni qarsańynda Astanada balalardy qorǵaý kúnine oraı 100-ge jýyq is-shara ótedi.