Memleket basshysynyń tapsyrmasyna sáıkes 2025 jyldyń qyrkúıeginen bastap barlyq mektepter men kolledjderde «DosbolLIKE» jáne «KiVa» antıbýllıngtik baǵdarlamalary engizildi. Nátıjesinde bilim berý uıymdaryndaǵy býllıng deńgeıi 2 paıyzǵa tómendegen, dep habarlaıdy Egemen.kz.
Sonymen qatar óńirlerde «Zań men Tártip» qaǵıdaty aıasynda jasóspirimder arasyndaǵy quqyqbuzýshylyqtar men zorlyq-zombylyqtyń aldyn alý jumystary júrgizilip jatyr. Qazirgi tańda joba 474 bilim berý uıymyn qamtyp otyr. Bul baǵytta buryn quqyq qorǵaý organdarynda qyzmet etken jáne arnaıy daıyndyqtan ótken 455 tálimger jumys isteıdi.
Psıhologııalyq qoldaý júıesine de erekshe kóńil bólinip keledi. El aýmaǵynda mektepter men kolledjderde býllıng, zorlyq-zombylyq jáne qatygezdik faktileri tirkelgen 20 Psıhologııalyq qoldaý ortalyǵy jumys isteıdi. 2026 jyldyń birinshi toqsanynda 6 333 bala jáne 3 421 ata-anaǵa psıhologııalyq jáne keńes berý kómegi kórsetildi. Qaýip-qaterdi erte anyqtaý maqsatynda sýısıdtik minez-qulyq pen zorlyq belgilerin aıqyndaıtyn dıagnostıkalyq ádistemeler engizilgen.
Elimizde jasóspirimder arasyndaǵy quqyq buzýshylyq 8 paıyzǵa tómendegen
Qaýip tobyndaǵy kámeletke tolmaǵandarǵa qatysty profılaktıkalyq sharalar kúsheıtildi. Ishki ister organdarynda esepte turǵan jasóspirimder sany júrgizilgen qaıta tekserý nátıjesinde 4 990-nan 2 968 adamǵa deıin, ıaǵnı 40,5 paıyzǵa azaıdy.
Al 2026 jyldyń naýryzynan bastap bilim berý uıymdary basshylarynyń zorlyq-zombylyq nemese býllıng jaǵdaıynda balalarǵa qajetti kómek kórsetpegeni úshin jaýapkershiligi engizildi.
Eske sala keteıik, qazirgi ýaqytta kámeletke tolmaǵandar arasyndaǵy býllıng úshin ákimshilik jaýapkershilik qarastyrylǵan. Sondaı-aq býllıng faktilerin elemegenderge 30-80 AEK kóleminde aıyppul kózdelgen.