Jaıdarman jazdyń alǵashqy kúni álemdegi eń meıirimdi, eń shýaqty merekelerdiń biri – Balalardy qorǵaý kúni atalyp ótedi. Bul kúni jer-jahan baldyrǵandardyń syńǵyrlaǵan kúlkisine bólenedi.
Balanyń shat kúlkisi – ómirdiń sáni, eldiń erteńine degen senimniń belgisi. Sondyqtan olardyń quqyqtaryn qorǵaý, deni saý, bilimdi ári baqytty bolyp ósýine jaǵdaı jasaý – ata-ananyń ǵana emes, tutas qoǵamnyń ortaq mindeti. Árbir bala meıirimge, qamqorlyqqa, jyly sóz ben jarqyn bolashaqqa laıyq.
Qoǵamnyń shynaıy kelbeti balalarǵa degen qarym-qatynasynan tanylady. Eger búldirshinniń kúlkisi kóp estilse, demek eldiń erteńine degen senim de berik. Al balanyń muńy kóbeıgen jerde bolashaqtyń da buldyraı bastaıtyny anyq. Sondyqtan árbir sábıdiń baqytty balalyq shaǵy – memleket damýynyń mańyzdy ólshemderiniń biri. Bala ulttyń erteńi deımiz. Al sol erteńniń qandaı bolary búgingi bizdiń meıirimimiz ben jaýapkershiligimizge tikeleı baılanysty. Urpaǵyna qamqor eldiń ǵana keleshegi kemel, bolashaǵy baıandy bolmaq.