Halyqaralyq atom energııasy agenttiginiń bas dırektory Rafael Grossı Qazaqstan ırandyq baıytylǵan ýran qorlaryn qabyldaýǵa daıyn ekenin jetkizdi. Bul týraly ol Financial Times basylymyna bergen suhbatynda aıtty, dep habarlaıdy Egemen.kz.
Rafael Grossı bul kelisimge Qazaqstan Prezıdenti Qasym-Jomart Toqaevpen Astanada ótken kezdesý barysynda qol jetkizilgenin atap ótti. Onyń sózinshe, bul sheshim AQSh pen Iran ıadrolyq baǵdarlama boıynsha kelisimge kelgen jaǵdaıda júzege asýy múmkin.
MAGATE basshysy ýrandy Qazaqstanda saqtaý AQSh pen Iran úshin de «qolaıly nusqa» bolýy múmkin ekenin jetkizdi. Degenmen bul máseleniń iske asýy eki el arasyndaǵy ıadrolyq kelisimderge baılanysty bolyp otyr. Jýyrda taraptar ekijaqty talaptaryn jarııalap, atysty toqtatýǵa qatysty 60 kúndik aldyn ala kelisimge qol jetkizgen bolatyn.
Aıta keteıik, buǵan deıin Qasym-Jomart Toqaev MAGATE basshysymen Astanada kezdesip, Qazaqstan Irannyń ıadrolyq baǵdarlamasy tóńiregindegi máseleniń sheshilýine atsalysýǵa daıyn ekenin aıtqan bolatyn.