Qostanaı oblysyndaǵy «Altyn Dala» memlekettik tabıǵı rezervaty aýmaǵynda kerqulandardyń jańa toby jabaıy tabıǵatqa jiberildi. Ekologııa jáne tabıǵı resýrstar mınıstrligi habarlady, dep jazady Egemen.kz.
Janýarlar 25 mamyr kúni tabıǵatqa jiberilgen. Olardyń ishinde Praga qalasynan jetkizilgen bir aıǵyr jáne Vengrııadaǵy Hortobad ulttyq parkinen tórt bıe bar.
Qulandar buǵan deıin arnaıy ortalyqta keń qorshaýda bir jyl boıy beıimdelý kezeńinen ótken. Osy ýaqyt ishinde olar mamandar men veterınarlardyń baqylaýynda bolyp, jergilikti klımattyq jaǵdaılarǵa tolyq beıimdelgen.
«Kerqulandar tabıǵatqa jiberilgennen keıin de rezervattyń memlekettik ınspektorlarynyń turaqty baqylaýy men qorǵaýynda bolady. Mamandar olardyń qozǵalysyn jáne jabaıy tabıǵatqa beıimdelýin odan ári qadaǵalaıdy, delingen mınıstrlik habarlamasynda.
Qyzyl kitapqa engen qulandar tabıǵatqa jiberildi
Eske sala keteıik, buǵan deıin Reseı prezıdenti Vladımır Pýtınniń elimizge memlekettik sapary aıasynda Qazaqstan aýmaǵyna tórt Amýr jolbarysy ákelingen bolatyn.