Qazaqstanda ana ólimi kórsetkishi ótken jyldyń sáıkes kezeńimen salystyrǵanda 43 paıyzǵa tómendedi. Bul týraly Densaýlyq saqtaý birinshi vıse-mınıstri Tımýr Sultanǵazıev málimdedi, dep habarlaıdy Egemen.kz.
Onyń aıtýynsha, esepti kezeńde ana ólimi kórsetkishi 100 myń shaqalaqqa shaqqanda 6,8-di qurap, 2025 jyly tirkelgen 12 kórsetkishinen aıtarlyqtaı tómendegen. Sonymen qatar náreste ólimi de 5,92-den 5,56-ǵa deıin azaıǵan.
«Ana densaýlyǵyn qorǵaýdaǵy oń dınamıka qabyldanǵan júıeli sharalardyń nátıjesinde qalyptasyp otyr. Atap aıtqanda, júkti áıelderdi erte kezeńde medısınalyq baqylaýmen qamtý deńgeıi 77,6 paıyzǵa deıin artty. 2025 jyldyń tamyz aıynan bastap Qazaqstanda «Analar saýlyǵy» baǵdarlamasy iske asyrylyp jayr. Baǵdarlama alǵashqy medısınalyq-sanıtarlyq kómek deńgeıinde 15 tegin bazalyq zertteýdi usynady» dep atap ótti vıse-mınıstr.
Almatyda ana ólimi týraly habarlamaǵan perzenthanaǵa aıyppul salyndy
Onyń aıtýynsha, óńirlerde 19 perınataldyq ortalyq janynan «Salaýatty Ana» pansıonattary ashylyp, qazirgi tańda 89 tósek-oryn daıyndalǵan. Munda joǵary qaýip tobyndaǵy 3,5 myńnan astam júkti áıel aldyn ala medısınalyq kómek alǵan.
Eske sala keteıik, buǵan deıin Densaýlyq saqtaý mınıstri Aqmaral Álnazarova sońǵy bes jylda ana ólimi 35%-ǵa tómendegenin aıtqan bolatyn.