Aqparattar aǵyny

* Astana. 15 maý­sym. BNews.kz: Qazaq­standa 16 maýsymnan bastap Senat depýtattyǵyna úmit­ker­­lerdi usyný bas­talady. Ol 2011 jyl­­dyń 16 maýsymy men 19 shildesi aralyǵynda júrgiziledi. Úmitkerlerdi tirkeý 29 shildege deıin jalǵasady. Senat de­pý­tattarynyń saılaýyna respýblıkalyq bıýd­jetten 142 mıllıon teńge qarjy bólin­bek. Bul týraly Ortalyq saılaý komıssııa­sy­nyń tóraǵasy Qýandyq Turǵanqulov málim etti. * Astana. 15 maýsym. BNews.kz: ShYU sammıtiniń qorytyndysy boıynsha 2011-2016 jyldarǵa arnalǵan esirtkige qarsy yntymaqtastyq strategııasy qabyldandy. Bul týraly ShYU sammıtiniń aıaqtalýyna baılanysty ótken baspasóz máslıhatynda málim etildi. * Petropavl. 15 maýsym. BNews.kz: Soltústik Qazaqstan oblysynyń Ýálıhanov aýdanyndaǵy Tospa aýylynyń janyndaǵy musylmandar zıratynan jalpy quny 300 myń teńge turatyn 99 temir qorshaýdy urlaǵan 54 jastaǵy adam ustaldy. Ol bul sharbaqtardy óziniń ÝAZ markaly máshınesine tıep, qala­daǵy bir kásipkerge árqaısysyn 1,5 myń teńgege satyp otyrǵan, dep habarlaıdy aýdandyq ishki ister departamenti bastyǵynyń orynbasary, polısııa kapıtany E.Mahmetov. * Astana. 15 maýsym. BNews.kz: ShYU sammıtinde QHR Tóraǵasy Hý Szıntao óz eliniń ShYU múshe memleketterine jeńil­detilgen jaǵdaımen 12 mıllıard AQSh dolla­ry kóleminde nesıe beretindigin málimdedi. * Astana. 15 maýsym. BNews.kz: 26 ma­myr men 6 maýsym aralyǵynda Antalııada «MISS EURASIA-2011» konkýrsy ót­kizildi. Konkýrs qorytyndysynda qazaq­stan­dyq Inessa Nazarova jeńimpaz dep tanylǵan. Sóı­tip, ol quny 30 myń dollar turatyn gaýhar­tas­pen órnektelgen saǵatty syı­lyqqa alyp, jalpy quny 10 myń dollar bolatyn «MISS EURASIA-2011» kelisim-shar­tyna qol qoıǵan. Bul týraly «MISS EURASIA-2011» arnaıy saıty habarlaıdy. * Petropavl. 15 maýsym. BNews.kz: Qalalyq perzenthanada bir ana tuńǵysh ret 4 ná­res­teni dúnıege ákelgeni týraly habarlaǵanbyz. Ivanovtar otba­syn­daǵy osy qýanyshqa baıla­nys­ty oblys ákimi Serik Bilálov baqytty anaǵa 3 bólmeli páter kiltin tabys etti, deıdi oblys ákiminiń baspasóz qyzmeti. * Astana. 15 maýsym. BNews.kz: Astana qalasynyń halyqqa qyzmet kórsetý ortalyǵy tekserý júrgizilý barysynda Qaraǵandy kóshesindegi №117-shi úıde 1700 adam tirkeýde turǵandyǵyn anyqtady. Mundaı sumdyq faktini óziniń Twitter akkaýtinde Baılanys jáne aqparat mınıstri Asqar Jumaǵalıev habarlady. * Kókshetaý. 15 maýsym. BNews.kz: Aqmola oblysynyń Eńbekshilder aýdanyndaǵy bir fermer qojalyǵynyń agronomy qalyń aǵash ishinde ıesiz qalǵan «Toıota Land Krýzer» avtokóliginiń ishinen buzyla bastaǵan eki adamnyń óli denesin tapqan. Olardyń biri 29 mamyrdan beri izdeý salynyp kele jatqan Astanadaǵy agrarlyq ýnıversıtettiń 21 jasar stýdenti Dına Bolpaeva ekeni anyqtaldy. Aqmola oblysynyń polıseıleri bul jumbaq ólim jaǵdaıyna tekseris júrgizýde. * Qyzylorda. 15 maýsym. BNews.kz: Ob­lys ortalyǵynda №171 orta mektepti úzdik bitirdi degen jalǵan attestat satyp júrgen osy mekteptiń dırektory ustaldy. Ol bir ata-anaǵa úzdik attes­tatty 30 myń teńgege satpaq bolǵan. Qazir «saýdager» dırektor júrek aýrýymen aýrýhanada jatyr, soǵan baılanysty qylmystyq isti tekserý keıinge qalyp tur deıdi, Qyzylorda qalalyq bilim departamenti dırektorynyń orynbasary B.Týmýrzaev. * Astana. 15 maýsym. QazAqparat: Ústi­mizdegi jylǵy 21-23 maýsym aralyǵynda Parıjde Qa­zaqstannyń Fransııadaǵy Mádenıet kúnderi ótedi. Onyń sheńberinde qazaqstandyq óner sheberleri Pa­rıjdiń aıtýly sahnalarynyń biri «Gavo» konsert za­lynda óz ónerlerin pash etetin bolady, dep habar­laı­dy Mádenıet mınıstrliginiń baspasóz qyzmeti.