Azyq-túlik beldeýiniń bereri kóp

Taldyqorǵanda respýblıkalyq deńgeıde ótken keńeste Elbasy tapsyrmasyn oryndaý jaıy talqylandy Almaty oblysy ákim­di­gi­niń májilis zalynda  Aýyl sha­­rýa­shylyǵy mınıstri Asyl­­jan Mamytbekov pen Almaty qala­synyń ákimi Ahmetjan Esi­mov­tiń, Almaty ob­lysynyń ákimi Ańsar Mu­sa­hanov jáne Oń­tústik Qazaq­stan, Jambyl ob­lystary aýyl sha­rýashylyǵy bas­qa­r­m­alary bas­tyqtarynyń qa­ty­sýymen res­pýblıkalyq keńes ótti. Jıyndy ashqan Almaty ob­lysynyń ákimi Ańsar Mu­sa­hanov salalyq baǵdarlamany oryn­daý baǵytynda oblys aýma­ǵynda atqarylyp jatqan ju­mystarǵa jan-jaqty toq­taldy. – Sońǵy jyldary jergilikti jerde ósirilgen, óndirilgen jáne óńdelgen aýyl sharýa­shy­lyǵy ónimderin  Almaty qala­syna aparyp, qalalyqtarǵa qo­laıly baǵamen satý uıym­das­ty­rylyp keledi. Qońyr kúzden bas­talyp, qys bitkenshe jalǵasatyn aýyl sharýashylyǵy jármeńkele­rin qala turǵyndary asyǵa kúte­tin boldy. Degenmen, barlyǵy keremet dep aıtýǵa kele qoımas. Bizde de kemshin qalyp jatqan tustardyń bar ekendigi anyq. Sondyqtan búgingi basqosýǵa mınıstr men Almaty qalasy ákimi­niń  jáne basqa da jaýapty tul­ǵa­lardyń qatysyp otyrǵanyn paıdalanyp, Elbasynyń «Alma­ty qalasynyń azyq-túlik beldeýin qalyptastyrý» salalyq baǵ­darlamasyn  tabysty oryndaý jol­daryn qarastyrmaqpyz. О́z oılaryńyz ben usynys­ta­ry­ńyz­dy ashyq aıtyp, máselelerdi birlese shesheıik, dedi ol. – Almaty qalasynyń jaǵ­daıy jaqsy bolsa, eldegi ahýal da durys bolady desem, eshkim artyq aıttyń deı qoımas, – dedi sóz alǵan Almaty qalasynyń ákimi Ahmetjan Esimov. – Oń­tústik astananyń el tirligindegi, damýyndaǵy alatyn orny týraly Elbasy keleli keńes­ter­de jıi aıtady. Osyǵan oraı aı­tarym, Memleket basshysy­nyń tapsyrmasyn jete tú­sinbeı otyr­ǵandar da bar sııaq­ty. О́ıt­keni, respýb­lı­ka­lyq keńeske arnaıy shaqy­rylǵan Ońtústik Qazaqstan jáne Jambyl ob­lystary bú­gingi basqosýǵa onsha ynta ta­nytqan joq. Atalǵan oblystar men Almaty qala­sy­nyń ara­synda aýyl sharýa­shy­lyǵy taýarlaryna qatysty jasal­ǵan kelisimder bar edi. Olar­dyń kóbi oryndalmaı qal­dy. Bizdi alańdatatyny – dú­ken­der sórelerindegi túrleri kóz sú­rindiretin azyq-túliktiń ara­syn­da ózimizdiń kózimizge ot­taı basylýy tıis jergilikti ónim­derdiń azdyǵy. Ońtústik Qazaqstan oblys­tyq aýyl sharýashylyǵy bas­qar­masy bastyǵynyń oryn­ba­sa­ry Bolataı Tastanov ózde­ri­niń  kókónis jáne jemis-jıdek ósirýdegi qalyptasqan tájirı­be­leri týraly baıandap, aldaǵy kezde Almaty qalasyna erte pisetin kókónis túrlerin jetkizýge qatysty usynystaryn ortaǵa saldy. «Almaty» áleýmettik-kásipkerlik korporasııasy» Ulttyq kompanııasy» aksıonerlik qoǵamynyń tóraǵasy Kerimjan Bıjanov pen «Jetisý» áleý­mettik-kásipkerlik korporasııasy» Ult­tyq kompanııasy» aksıonerlik qoǵamy­nyń tóraǵasy Baqyt Ataıbekov áleý­met­tik-kásipkerlik korporasııalar ju­my­syna qatysty birqatar usy­nys­taryn aıtyp ótti.  «Adal» aksıonerlik qoǵamynyń basshysy Seısenhan Sma­ǵulov kásipker retinde qaralǵan má­selege qatysty oılaryn bildirdi.  «QazAgro» Ulttyq-basqarý holdınginiń atqarýshy dırektory Baqyt Qudabaeva bolsa, dál qazirgi kezde aýyl sha­rýa­shylyǵyn qarjylaı qoldaýdyń ba­ryn­sha kúsheıgenin aıta kele, is tetigin tap­qandardan memleket aqsha aıamaıtynyn bil­dirdi. Nesıe alý, sýbsıdııaǵa qol jetkizýdiń talaptary men artyq­shy­lyqtaryn jan-jaqty túsindirdi. Aýyl sharýashylyǵy mınıstri Asyl­jan Mamytbekov elimizdegi aýyl sharýashylyǵy salasynyń qazirgi jaı-kúıine qysqasha toqtala kele, aıtylǵan usynystarǵa qatysty óz oıyn bildirdi. –  Osydan birer aı buryn ǵana ońtústik astanada Elbasynyń qatysýy­men atalǵan máselege qatysty keleli keńes bolǵanyn bilesizder.  Sondyqtan baǵdarlamanyń oryndalýyna myqtap nazar aýdaryp, atalǵan baǵyttaǵy ju­mystardy barynsha kúsheıtý kerek. Bul mindetti atqarýda negizgi salmaq Almaty oblysyna túsedi. Biraq aımaqtaǵy basqa oblystar da syrt qalmaýǵa tıisti, – dedi ol. Kúmisjan BAIJAN, Almaty oblysy.