Almaty qalasynda qazaqtyń kórnekti aqyny «Qadyr Myrza-Áliniń» qoǵamdyq qory óz jumysyn bastady. Qazaqstan Jazýshylar odaǵynda ótken jıynda atalmysh qordyń basshylyǵyna Qazaqstannyń eńbek sińirgen qaıratkeri, Qazaqstan Kompozıtorlar odaǵynyń múshesi, ánshi-kompozıtor Donedil Qajymov taǵaıyndaldy.
Qoǵamdyq qordyń ashylý jáne basshylyq taǵaıyndaý rásimi ispetti ótken jıynǵa Qazaqstannyń halyq ártisi E.Hasanǵalıev, Respýblıka saraıynyń dırektory B.Dospanov, «KATEK» kompanııasynyń basshysy Q.Nýpov, «NGS+» kompanııalar odaǵynyń dırektory B.Bájikov, «Arys» baspasynyń dırektory Ǵ.Ánes, «Mereke» baspasynyń dırektory M.Qulkenov, Qazaqstan Jazýshylar odaǵy hatshysynyń birinshi orynbasary Ǵ.Jaılybaı qatysty. Joǵaryda aty atalǵan kommersııalyq kompanııalar atalǵan qorǵa 1 mıllıon teńgeden qarjy aýdarǵandaryn jetkizdi.
Qanat ESKENDIR.
Almaty.