Áleýmettanýshylar bas qosty

Almatyda Qazaqstan Respýblıkasy Prezı­denti­niń kómekshisi – Qaýipsizdik Keńesiniń hatshysy Marat Tájınniń tóraǵalyq etýimen «Qazaqstandyq qo­ǵamnyń áleýmettik jańarýy: jetistikteri, máse­le­leri jáne keleshegi» degen taqyrypta Qazaqstan áleýmettaný­shy­lary­nyń IV kongresi jumysyn bastady. Kongress jumysyna Ýkraına, Belarýs, Qyrǵyzstan elderiniń áleýmettanýshylary, QR Prezıdenti Ákimshiliginiń, Mádenıet,  Bilim jáne ǵylym mınıstr­li­k­teriniń, qala ákimdiginiń, sondaı-aq Almaty men Astana qala­la­ryndaǵy joo-nyń ókilderi, son­daı-aq birqatar shet eldik áleýmettanýshylary, onyń ishinde Túrki tildes elder áleýmet­tanýshylar odaǵynyń prezıdenti Korkýt Týn (Túrkııa), «SOSIS» bas redaktory, RǴA kor­res­pondent-múshesi J.­To­­shen­ko, taǵy basqa da elderdiń ta­nymal áleýmet­taný­shylary  qa­ty­sýda. Jıyn barysynda Qazaqstan áleýmettanýshylary qaýymdas­ty­ǵy­nyń prezıdenti, áleý­met­ta­ný ǵylymdarynyń doktory, professor Marat Tájınniń atap ót­kenindeı, kongress el táýel­siz­di­gi­niń 20 jyldyǵyna daıyndyq aıasynda, Mádenıet, Bilim jáne ǵylym mı­nıs­trlikteriniń qol­daýy­men ótkizilip otyr. «Qazirgi tańda Qazaqstanda óte joǵary deńgeıde áleýmettik zertteýler júrgizilýde, boljamdar da naqty jasalynýda. Sońǵy segiz jylda áleýmettik zertteýlerge qaty­sý­shylardyń sany eki esege artty. Saýalnamalarǵa senim 50 paıyz­dan 70 paıyzǵa deıin ósti. Qa­zaqstandyqtardyń úsh­ten ekisi zertteýlerdi paıdaly dep esepteıdi», dedi Marat Tájın. Kongreske qatysýshylar keshe áleýmettik jańarýdyń ózekti máselelerin, qoǵamnyń áleýmet­tik jańarýyndaǵy tilderdi da­my­tý baǵdarlamasyn, joo-nyń ró­­lin, Qazaqstandaǵy eńbek kó­shi-qony, qoǵamnyń jańǵyrý tur­­ǵysyndaǵy qazaqstandyq­tar­dyń áleýmettik kóńil-kúılerine qa­tys­ty máselelerdi talqyla­dy. Keshe, sondaı-aq «Qa­zaq­standyq áleýmettanýdaǵy tany­mal tu­l­ǵa­lar» atty tolyq­ty­rylǵan ekinshi kitaptyń tanys­ty­rylymy ótti. Kongress qory­tyndysy áleý­­met­tanýshylar qaýymda­sty­ǵynyń «Áleýmet­ta­ný-Sociology» atty jýrnaly­nyń arnaıy nó­mi­rinde jaryq kóretin bolady. Al búgin tuńǵysh ret Qa­zaq­stan jas áleýmettanýshylary­nyń birinshi forýmy ótedi. Qanat ESKENDIR.