Naqty tapsyrmalar berildi

Keshe Aqordada Memleket basshysy Nursultan Nazar­baev­tyń tóraǵalyǵymen Qaýipsizdik Keńesiniń kezekti otyrysy ótti. Otyrysta din salasyndaǵy turaqtylyqty nyǵaıtýda odan ári atqaratyn sharalar týraly másele qaraldy. Prezıdent Ákimshiliginiń Basshysy Aslan Mýsın baıandama jasady, dep habarlady Prezıdenttiń baspasóz qyzmeti. Otyrys barysynda Memleket basshysy táýelsizdik jylda­ryn­da qazaqstandyqtardyń birligi­niń, ultaralyq jáne konfe­s­sııa­­­aralyq kelisimniń, saıası turaq­ty­lyqtyń arqasynda ekonomıka senimdi damyp, azamattardyń ómir súrý deńgeıi artqanyn, ishki jal­py ónim jan basyna shaq­­qanda álemniń jańa táýelsiz mem­leketteriniń arasynda eń joǵary kórsetkishtiń biri bolyp taby­latynyn atap ótti. Otyrysta, sondaı-aq Qazaq­stan din ustaný erkindigin ja­rııa­laǵan zaıyrly memleket bolyp tabylatyny, alaıda, bul bılik organdary din salasyndaǵy qa­rym-qatynastardy retteýden shet­tetilý múmkindigin bildirmeıtindigi atap ótildi. Elde dinı-ekstremıstik ıdeologııa element­te­rin, sonyń ishinde konstıtýsııa­lyq qurylysty kúshtep ózgertý­ge, azamattardyń ómiri men den­saý­lyǵyna qater tóndirýge ba­ǵyt­­tal­ǵan ashyq aksııalardy ta­ra­tý­dyń betin qatań qaıtarý qajet. Osyǵan baılanysty Memleket basshysy quqyq qorǵaý or­gan­­dary men ózge memlekettik or­gan­darǵa dinı-ekstremıstik kórinis­terdi ashý jáne tez arada áreket etý jóninde tapsyrma berdi. Astana, Almaty qalalarynyń jáne oblystardyń ákimderi tárbıe jáne profılaktıkalyq jumys­tar­dy kúsheıtip, dinı birles­tik­terdiń qoldanystaǵy zańnama normalaryn qatań saqtaýyn qa­daǵalaýlary qajet. Is júzinde aý­qymdy mindetter Din isteri ag­ent­tigine júkteledi. Sýretti túsirgender S.BONDARENKO, B.OTARBAEV.