Jetim kórseń jebeı júr

Aqtóbede jasóspirimder men balalar úıleriniń tár­bıelenýshilerin baspanaly etýdiń ónegeli bastamasy osy­dan úsh jyl buryn ómirge kelgen bolatyn.   Qa­­shanda  adamgershilik pen aza­mattyqty joǵary qoıa­tyn oblys ákimi osy qa­ǵıdany berik ustanýǵa mu­ryndyq boldy.  Ol jetim, ata-anasynyń qamqor­ly­ǵyn­syz qalǵan balalarǵa turǵyn úı alý úshin «Tur­ǵyn­úıjı­naq­banki» aksıonerlik qoǵamy­nyń Aqtóbe fılıalynda esepshottaryn ashýǵa qar­jy­laı kómek kór­setip, múm­kindiginshe bıýdjetten bóli­netin páter­lerden de qarasý joldaryn sheshýde. Alǵash­qyda balalar úıiniń bes tárbıelený­shisine turǵyn úı alý úshin árqaısysyna osy banktiń Aqtóbe fılıalynan 250 myń teńgeden, jalpy so­masy 1250 myń teńge qar­jy aýdarylǵan bolatyn. Mundaı qaırymdylyq qa­damy sátti jalǵasyn tapty. Jasóspirimder úıiniń jeti tárbıelenýshisiniń osy bank­­tegi esepshotyn tolyq­ty­rýǵa 10220 myń teńge salynyp, nátıjesinde «Bo­la­shaq» shaǵyn aýdanynan jeti páter satyp áperildi. Bul on alty jetim jasóspirimniń baspanaly bolýy­na múmkindik berdi. Elimizdiń táýelsizdik kúni qar­sańynda  jasóspirimder úıiniń ta­ǵy da on tórt tárbıelenýshisine osy bankten  turǵyn úı esep­shottaryn ashý úshin bastapqy jarnalaryna 14 mln. teńge sa­lyn­dy. Sóıtip, olardyń árqasy­sy­na 1 mln. teńge bólindi. Son­daı-aq, alty tárbıelenýshige tur­ǵyn úı satyp alýǵa 5864212 teńge berildi, segiz tárbıelenýshige ke­lisim-shart­taǵy qarjylaryn to­ryq­ty­rýǵa 3203803 teńge salyn­dy. Otyz eki tárbıelenýshiniń esepshot­ta­ryn ashýǵa jáne qa­jetti qar­jylaryn tolyqtyrýǵa 6400 myń tenge bólindi. Osyndaı qoldaýdyń arqasynda  jas­óspi­rim­der úıiniń tárbıelenýshileri otbasyly Iýrıı Vasılev pen Galına Rýbsova bir bólmeli páterge, Talǵat Tólegenov  pen Irına Es­qulova  úsh bólmeli páterge qol jetkizdi.  Naýryz merekesi qar­sa­ńynda Jasóspirimder úıiniń tú­lekteri jas otbasyly Azamat Dal­banov pen Rystygúl Quman­ǵalıev bir bólmeli jaldyq pá­terge ıe boldy, Artem Ho­dy­revke, Alǵa oblystyq balalar úıiniń tárbıelenýshisi Anna Devıatına men Temir otbasylyq balalar úıiniń túlegi Elena Shy­horınaǵa memlekettik tildi jetik bilgeni úshin páter berildi. Ústimizdegi jyly sáýir aı­yn­da oblys ákimdigi «Turǵyn­qu­ry­lysúı­jınaqbanki» AQ-qa alǵash­qy jar­nalary bar oblystyq Jas­óspi­rimder úıiniń tárbıelený­shilerine turǵyn úı alýǵa 15 mıllıon teńge bóldi.  Bul qarjy jetim bala­lar­dyń «Turǵynqury­lys­­­úıjınaq­banki» aksıonerlik qo­ǵamyndaǵy esepshot­tarynda tur­ǵyn úı alýǵa jı­nalǵan qar­jylaryn tolyqty­rýǵa jáne 32 tárbıelenýshige ja­ńadan esepshot ashýǵa aýdaryldy. Oblys ákimi  bul isti bir mezgildik shara dep qaramaı, udaıy nazarda ustap keledi. Kezinde óz qolynan bir bólmeli páterdiń kiltin alǵan jas jubaılar Maksım Chebohın men Ásel Múlkanovanyń kishkentaı Tımofeıdi tárbıelep jat­qanyn eskerip, jaqynda eki bólmeli páterdiń kiltin tap­syr­dy. Jas otbasynyń jańa páterin óz qarjysy esebinen  jańa jıhazben jabdyqtady. Sonymen qatar óńir basshysy «NurOtan»HDP oblys­tyq fılıalynyń  zalynda ob­lystyq jasóspirimder úıiniń onyń 27 tárbıelenýshisiniń  «Tur­ǵynúıjınaqbanki» aksıonerlik qo­ǵamy Aqtóbe fılıalyndaǵy tur­ǵyn úı esepshottaryndaǵy qar­jylaryn tolyqtyrýǵa árqaı­sysy úshin 300 myń, jalpy so­masy 8100 myń teńge aýdaryl­ǵanyn ras­taıtyn sertıfıkat tapsyrdy. №13 Jaısań kásiptik lıseıiniń túlegi Aıgúl Nurja­nova bir bólmeli páterdiń kiltine ıe boldy. Balalar jáne jasóspirimder úıleriniń tárbıelenýshilerin bas­panaly etý maqsatynda olardyń eseshottaryndaǵy qarjylaryn tolyq­tyrýǵa  sońǵy úsh jylda 57138 myń teńge bólinip, osynyń nátıjesinde osy kezge deıin 14 páter satyp alynǵan eken. Halqymyzda «Jetim kórseń, jebeı júr» degen ataly sóz bar. Mundaı qaıyrymdylyq alda da jalǵasa beredi. Oǵan  iri kompanııalar men kásipkerlerdi tartyp otyrmyz. О́zderińiz de qarap qal­maı, eńbek etip, qarjy jınaýǵa ty­­ry­syńyzdar. Bizdiń tarapy­myzdan qoldaý-kómek úzilmeıdi. Elbasy jas­tarǵa senim artady. El erteńi siz­derdiń qoldaryńyzda. Berilgen múm­kindikti paıdalanyp, kásibı bilikti maman bolýǵa tal­pynyńyzdar, ómir­den óz oryn­daryńyzdy tabýǵa  umty­lyńyz­dar, – dedi óńir basshysy. Satybaldy SÁÝIRBAI, Aqtóbe oblysy.