24 saǵat

*Soltústik Koreıa kósemi Kım Chen Ir keshe óziniń bron­dy poıyzymen Býrıa­tııa­ǵa keldi. Onda ol Reseı Prezıdenti Dmıtrıı Medvedevpen kezdesip, kelissóz júrgiz­bek­shi. Ke­lis­sózdiń negizgi ta­qyryby eki eldiń energetıka salasyn­daǵy yntymaqtas­ty­ǵy bolmaq. *Irak aýmaǵyndaǵy áýe jáne jer operasııalary nátıjesinde túrik áskerıleri alty kúnniń ishinde shamamen 100 shaqty kúrd jasaqtarynyń kózin joı­dy. 80 shaqty jasaq túrli deń­geıde dene jaraqattaryn alǵan. *Buǵan deıin kóterilis­shi­lerdiń Lıvııa astanasy – Trıpolı qalasyn óz baǵynysyna alǵany týraly aqparat tara­ǵan edi. Endi buǵan kúmán tý­yp otyr. О́ıtkeni, tutqynǵa alyndy delingen Lıvııa bas­shysynyń balasy Seıf ál-Islam keshe sheteldik agent­tik­terdiń jýrnalısterimen kez­desip, olardy qalany ara­laýǵa shaqyrǵan. Seıf ál-Islamnyń sózine qaraǵanda, Trıpolı áli de ózderiniń ba­qy­laýynda. Biraq Kaddafı­diń qalada bar-joǵy belgisiz. *Varshavanyń áskerı pro­ký­ra­týrasy Polshanyń burynǵy prezıdenti Leh Kachınskıdiń Tý-154 ushaǵyn ushýǵa daıyn­daǵan eki polıak ofıserin kináli dep taýyp otyr. Aıyp taǵyl­ǵandardyń aty-jónderi ázirshe aıtylmaıdy. L.Kachınskı mingen atalǵan ushaqtyń byltyr Reseı aýmaǵynda apatqa ushy­rap, onyń bortyndaǵy 96 adamnyń barlyǵy qaza tapqany belgili. *Halyqaralyq valıýta qo­rynyń burynǵy basshysy Domınık Stross-Kanǵa áıel zor­lamaq boldy degen aıyp ta­ǵyl­ǵany málim. Biraq kiná dá­leldenbedi. Sondyqtan prokýratýra odan aıyptaýdy alyp tastaýmen kelisti. Fran­sııa pre­zıdenttiginen úmit­kerdiń saıa­sat oıynynyń qurbany bol­ǵany anyq. *Sot bortynda amerıkalyq­tar bar ıahtany basyp alýǵa qa­tysqan eki somalılyq pıratty ómir baqı túrmede otyrýǵa kesti. 30 jastaǵy Álı Ábdı Mohamed pen 31 jastaǵy Býrhan Ábdirahman Iýsýfke úkimdi AQSh-tyń Vırdjınııa soty shyǵardy. *Germanııalyq eki týrıst Aýǵanstannyń soltústigindegi taýlarda joǵalyp ketken. Po­lısııa nemis elshiligimen birlesip, týrısterdiń iz-túzsiz joǵalýyn tekserýde. Eki nemis azamaty Aýǵanstandaǵy taý shyńdarynyń birin ba­ǵyn­dyrýǵa attansa kerek. *Iranda eki amerıkalyq 8 jylǵa bas bostandyqtarynan aıy­ryldy. Sheın Baýer men Djosh Fettal elge zańsyz engeni úshin úsh jyldan alsa, shpıon­dyq áre­ketteri úshin árqaısy­syna bes jyldan berildi. Olar belgilenbegen Irak pen Iran shekarasynda 2009 jyldyń ja­zyn­da tutqyndalǵan edi. Úkim endi shyǵarylyp otyr. *Avstralııa polısııasy bu­rynǵy medısına qyzmet­ker­leri kásipodaǵynyń basshysy Kreıg Tomsonǵa qatysty tergeý isin bastady. Ol búginde Av­stralııa parlamentiniń de­pýtaty bolyp tabylady. K.Tomson kásipodaq basqaryp júrgen kezinde uıymnyń aq­sha­syn jezókshelerge jum­sasa kerek. *AQSh-tyń Florıda shtatyn­daǵy Semınol qalasynyń tur­ǵy­ny Djessıkı Marı Bırs asy­raýyndaǵy bes jasar ul ba­lany satýǵa áreket jasady degen kúdikpen tutqynǵa alyndy.

Aqparat agenttikteri materıaldarynyń negizinde ázirlendi.