Búgin Úkimet úıinde Premer-Mınıstr Baqytjan Saǵyntaev Estonııanyń Elektrondy basqarý akademııasynyń dırektory Ivar Tallomen kezdesý ótkizdi, dep habarlaıdy primeminister.kz
Kezdesý barysynda Qazaqstanda «elektrondy Úkimetti» jetildirý men odan ári damytý máseleleri talqylandy. Qazirgi tańda Memleket basshysynyń «Qazaqstannyń úshinshi jańǵyrýy: jahandyq básekege qabilettilik» atty halyqqa Joldaýynda berilgen tapsyrmalardy iske asyrý aıasynda Úkimet «Sıfrlyq Qazaqstan» memlekettik baǵdarlamasynyń jobasyn ázirlep jatyr. Sıfrlyq transformasııany júrgizý, sonyń ishinde «proaktıvti Úkimetke» aýysý, memlekettik qyzmetter kórsetý úderisine jańa tehnologııalardy engizý «elektrondy Úkimet» ınfraqurylymynyń aýdıtin ótkizýdi talap etedi.