Túrkııada áskerılerdiń avtobýsy jarylyp, 13 qaza boldy

Foto Reıter

Túrkııanyń ortalyq aımaǵyndaǵy Kaıserı qalasynda áskerıler mingen avtobýs jaryldy. Bul týraly Reıter habarlaıdy. Avtobýs jarylǵysh zattar qoıylǵan mashınanyń janynan ótip bara jatqan kezde jarylys bolǵan. Keı málimetter boıynsha, qandy oqıǵa saldarynan 13 adam qaza bolyp, 48-i jaralanǵan. Túrik telearnalary taratyp jatqan kadrlardan avtobýstyń tutas órtenip ketkeni kórinedi. Eldiń Bas shtaby oqıǵany «terakt» dep baǵalady. «08.45-te áskerden jańa bosaǵan soldattar men efreıtorlar mingen mashınaǵa baǵyttalǵan terakt saldarynan 13 áskerı joldasymyz qaza bolyp, 48 adam jaralandy. Jaralylar aýrýhanalarǵa jetkizildi. Zardap shekkender arasynda beıbit turǵyndar bolýy múmkin» delingen Bas shtab taratqan habarlamada. Bir apta buryn, 10 jeltoqsanda Stambýlda bolǵan teraktiler saldarynan 40 adam qaza taýyp, 150-i jaraqat alǵan bolatyn