EKSPO kórmesin uıymdastyrý jáne ótkizý jónindegi qoǵamdyq keńestiń tóraǵasy, Eýrazııa ulttyq ýnıversıtetiniń rektory Erlan Sydyqovtyń aıtýynsha, aldymen Astanadaǵy jataqxanalardyń jaǵdaıyna baǵalaý jumystary júrgiziledi. Sonyń negizinde kórme kezinde jalǵa beriletin jataxqanalar anyqtalady, dep xabarlaıdy QazAqparat.
“Qaladaǵy basty problema – jatatyn oryndardyń tapshylyǵy. Qonaq úıler jetispeıdi. Sondyqtan joǵary oqý oryndary jazdy kúni ózderiniń jataqxanalaryn bosatyp berýge ázir. О́ıtkeni bul ulttyq joba ǵoı. Sondyqtan oǵan bárimiz atsalysýymyz qajet. Kelem deıtin adamdardyń barlyǵy jaqsy pikirmen, jaqsy kózqaraspen qaıtýy qajet. Ol úshin jatar orny men onda atqarylatyn qyzmet joǵary deńgeıde bolýy shart”, – dedi E.Sydyqov keńestiń búgingi otyrysynda.
Rektordyń aıtýynsha, “Astana konvenshn” men “Astana EKSPO” kompanııalary jataqxanalardy tıisti talaptar boıynsha tańdaıdy. “Biz sol talaptyń turǵysynan shyǵatyn bolsaq, jataqxanany qabyldap alady. Árıne, onyń barlyǵy tegin bolmaıdy. Árkim óz aqysyn tóleıdi. Biraq ol qymbat bolmaıdy. Qonaq úılermen salystyrǵanda, óte arzan bolady”, – dep atap kórsetti ýnıversıtet rektory.