Shymkentte zańsyz kóshi-qon arnasyn uıymdastyryp kelgen qylmystyq toptyń qyzmeti toqtatyldy. Kúdiktiler aqshalaı syılyqaqy úshin mıgranttardy tyıym salynǵan áreketter negizinde zańdastyrǵan, dep jazady Egemen.kz.
Ishki ister mınıstrligi men prokýratýranyń úılestirýmen júrgizilgen operasııa barysynda 28 tintý is-sharasy júrgizilgen.
Nátıjesinde ondaǵan sheteldikten pasport, uıymdastyrý tehnıkasy, baılanys quraldary, túrli blankiler men jalǵan eńbek sharttary tárkilendi. Sonymen qatar iri kólemdegi aqsha jáne tirkelmegen qarý alyndy.
E.Kósherbaev Bishkekte zańsyz kóshi-qon men ekstremızmge qarsy kúsh biriktirýdi usyndy
Al qylmystyq toptyń uıymdastyrýshysy ýaqytsha ustaý ızolıatoryna qamaldy. Atalǵan iske qatysy bar 13 adam polısııaǵa jetkizilip, sotqa deıingi tergep-tekserý bastaldy. Ishki ister mınıstrligi kóshi-qon zańnamasyn buzýdyń kez kelgen faktisi tekseriletinin eskertip otyr.
Kóshi-qon zańnamasyn buzǵan 121 sheteldik elden shyǵaryldy