О́tken aptada Qazaqstan kúres federasııasynyń (QKF) prezıdenti Erkin Oqasovtyń arnaıy shaqyrtýymen elimizge Birikken kúres álemniń (UWW) basshysy Nenad Lalovıch pen Azııa qaýymdastyǵynyń tóraǵasy Mohammed Ál-Avamle keldi, dep habarlaıdy Egemen.kz.
Alǵashynda Almatydaǵa at basyn tiregen olar «Shańyraq» yqshamaýdanydaǵy sporttaǵy daryndy balalarǵa arnalǵan mamandandyrylǵan mektep-ınternat, «Almaty Arena» jáne Olımpıadalyq daıarlaý ortalyǵyn aralady. Odan keıin Astanaǵa keldi. Bul jerde birqatar mańyzdy kezdesýler ótip, otandyq kúresti damytýǵa baǵyttalǵan strategııalyq bastamalar júzege asyryldy. Sheteldik qonaqtar elordamyzda salynyp jatqan Qazaqstan kúres akademııasynyń jumys barysymen tanysty. Akademııada grek-rım kúresi, erkin kúres jáne áıelder kúresinen bólek, jaǵajaı kúresimen shuǵyldanatyn balýandarynyń da esh alańsyz jattyǵýyna barlyq jaǵdaı jasalǵan. Aldaǵy ýaqytta Akademııa aıasynda medısınalyq jáne sporttyq-ǵylymı laboratorııalar ashý kózdelgen.
Meımandar Jaqsylyq Úshkempirov atyndaǵy Jekpe-jek saraıy men «Barys-Arenany» aralady. Dál sol kezde Astanada Qazaqstan kúres federasııasynyń shtab-páteriniń resmı ashylý saltanaty ótti. Saltanatty rásim barysynda lenta qııý qurmeti Erkin Oqasov pen Nenad Lalovıchke buıyrdy. Bul el kúresiniń jańa kezeńge qadam basqanyn aıshyqtaıtyn tarıhı sátterdiń biri boldy. О́ıtkeni, jańa keńse ákimshilik ortalyq qana emes, ol ulttyq sporttyń rýhyn dáripteıtin erekshe keńistik retinde jasaqtalǵan. Sol jerde Qazaqstan kúresiniń jeńispen órilgen baı dástúrin pash etetin baı arnaıy Dańq zaly ashyldy.
Dańq zaly – el namysyn álemdik arenada asqaqtatqan áıgili balýandarǵa taǵzym etetin rýhanı orda. Munda Olımpıada jáne álem chempıonattarynda atoı salǵan qazaq sportshylarynyń tarıhı jetistikterin beıneleıtin biregeı jádigerler qoıyldy. Atap aıtqanda, chempıondardyń medaldary, belbeýleri, jarys formalary, fotosýretteri men jeke arhıvtik materıaldary kelýshiler nazaryna usynyldy.
Osy sapardyń negizgi nátıjeleriniń biri – Qazaqstanda kúresin júıeli túrde damytýǵa baǵyttalǵan mańyzdy qujatqa qol qoıylýy. Atap aıtqanda, Qazaqstan kúres akademııasy United World Wrestling aıasynda jumys istep, álemniń úzdik balýandarynyń ortalyǵyna aınalady.
«Bul bastama elimizde jas balýandardy daıarlaý júıesin jańa deńgeıge kóterip, halyqaralyq standarttarǵa sáıkes mamandardy qalyptastyrýǵa úlken septigin tıgizýge ashýy tıis. Sonymen qatar, akademııa otandyq jáne sheteldik tájirıbeni biriktiretin bilim berý jáne jattyǵý ortalyǵyna aınalyp, búkil álem balýandary kóz tigetin júıe qurylady dep senemiz», dedi Erkin Oqasov.
Al halyqaralyq uıym basshylary óz kezeginde Qazaqstannyń kúres sportyn damytýdaǵy baǵyttalǵan qarqynyna joǵary baǵa berip, aldaǵy ýaqytta ózara yntymaqtastyqty odan ári nyǵaıtýǵa daıyn ekenderin jetkizdi.