Astananyń azamattyq ister jónindegi aýdanaralyq soty tasymaldaýshy kompanııadan moraldyq zııan men bılet qunyn óteýdi talap etken poıyz jolaýshysynyń talap-aryzy boıynsha isti qarady, dep habarlady sottyń baspasóz qyzmeti Egemen.kz
Sot osy jyldyń 7 naýryzynda Astana-Petropavl poezynda sanıtarııalyq torapta tehnıkalyq aqaý shyǵyp, saldarynan dárethana júıesinde apattyq jaǵdaıdyń bolǵanyn anyqtady.
Sonyń saldarynan shaǵym túsirýshi óte yńǵaısyz kúıge túsip, moraldyq qorlyq kórip, kıim men jeke zattary búlinedi. Aryzdanýshynyń dálelderi kóliktik baqylaý ınspeksııasyn tekserý materıaldarymen, jaýapkerge qatysty jasalǵan fotomaterıaldarmen jáne ákimshilik hattamamen rastaldy ️ - delingen habarlamada.
Sot sapasyz qyzmet kórsetý faktisin rastaý týraly qorytyndyǵa keldi jáne «tutynýshylardyń quqyqtaryn qorǵaý týraly» Zańnyń erejelerin basshylyqqa ala otyryp, sheshim shyǵardy.
Sot shaǵym túsirýshiniń aryzyn ishinara qanaǵattandyryp, jolaýshynyń paıdasyna sheshim shyǵardy. Nátıjesinde tasymaldaýshy moraldyq zııan keltirgeni úshin jolaýshyǵa 3 mln teńge kóleminde ótedi.