Vengrııadaǵy parlamenttik saılaýda oppozısııalyq «Tısa» partııasy sensasııalyq jeńiske jetti. Partııa jetekshisi Peter Madıar aıqyn basymdyqqa ıe bolyp, jańa parlamentte daýystyń basym kópshiligine qol jetkizýi múmkin, dep habarlaıdy Egemen.kz.
Al 16 jyl boıy bılikte bolǵan premer-mınıstr Vıktor Orban jeńilisin moıyndap, qarsylasyn jeńisimen quttyqtady. Ol «Fıdes» partııasymen birge endi oppozısııada otyryp, elge qyzmet etýdi jalǵastyratynyn málimdedi. Orban saılaý nátıjelerin «aýyr» dep baǵalaǵanymen, olardyń aıqyn ekenin atap ótti.
Aldyn ala qorytyndylarǵa sáıkes, bıýlletenderdiń shamamen 99%-y sanalǵannan keıin «Tısa» partııasy 199 mandattyń 138-in ıelenip otyr. Bul kórsetkish partııaǵa parlamentte úshten eki, ıaǵnı konstıtýsııalyq basymdyq alýǵa múmkindik beredi. Al «Fıdes» partııasy 54-orynǵa ıe bolsa, «Mi Hazánk» (Bizdiń Otan) partııasyna 6 mandat buıyrǵan. Vengrııa zańnamasyna sáıkes, partııalar parlamentke ótý úshin 5% mejeden asýy tıis.
Saılaýdyń resmı nátıjeleri 18 sáýirge deıin tolyq jarııalanýy kerek. Degenmen, sońǵy esepti kútpeı-aq Orban qarsylasyn jeńisimen quttyqtap úlgerdi.
Jeńis mıtınginde Býdapeshttiń ortalyǵynda sóz sóılegen Madıar: «Bizdiń qolymyzdan keldi!» dep málimdedi. Onyń aıtýynsha, bul – tek partııanyń ǵana emes, búkil Vengrııa halqynyń ortaq jeńisi. «Biz birge Vengrııany azat ettik, Orban rejımin qulattyq», dedi ol jaqtastarynyń aldynda.
Vengrııadaǵy Radio Free Europe qyzmeti qarjylandyrý qysqarýyna baılanysty jumysyn toqtatty
Saılaý el tarıhyndaǵy eń joǵary belsendilikpen ótti. Daýys berý aıaqtalýyna eki saǵat qalǵanda qatysý deńgeıi 74,23%-ǵa jetip, keıin rekordtyq kórsetkishke ulasqany aıtyldy. Sarapshylar muny qoǵamdaǵy ózgeriske degen suranystyń artqanymen baılanystyrady.
Semserlesýden Qazaqstan quramasy komandalyq synda Vengrııadan jeńildi
Madıar aldaǵy ýaqytta jemqorlyqpen kúresti kúsheıtip, júıeli reformalar júrgizýge, jańa konstıtýsııa ázirleýge nıetti. Sonymen qatar, ol Vengrııanyń syrtqy saıasatyna ózgerister engizip, Eýroodaq pen NATO aıasyndaǵy seriktestikti kúsheıtýdi kózdeıtinin jetkizdi.