Keshe Astanadaǵy «Barys-Arena» sport kesheninde Ulttyq lıga komandalary arasyndaǵy voleıboldan áıelder arasyndaǵy el chempıonatynyń pleı-off matchtary ótti. Maýsymnyń sheshýshi oıyndary jankúıerlerge tartysty kezdesýler men jarqyn emosııalar syılady, dep habarlaıdy Egemen.kz.
5-8 oryndar úshin oıyndar: «Aqtóbe» komandasy «Astanany» 3:0 esebimen (25:21, 25:11, 25:18) jeńdi. Al «Býrevestnık Almaty» «Qaraǵandyny» 3:0 esebimen (25:21, 25:17, 25:19) utty.
3-4 oryn úshin match: «Turan» men «Berel» arasyndaǵy qola medal úshin ótken tartysty kezdesý 3:2 esebimen «Turannyń» paıdasyna aıaqtaldy (19:25, 22:25, 25:21, 25:23, 15:7).
Bul match maýsymnyń sharyqtaý sátteriniń biri boldy. Alǵashqy eki partııada «Berel» basymdyq tanytqanymen, keıin oıyn barysy ózgerdi. Úshinshi partııadan bastap «Turan» belsendiligin arttyryp, qarsylastyń shabýyldaryn tejeı bastady. Tájirıbeli oıynshy Elena Samoılenkonyń tordaǵy senimdi oıyny sheshýshi ról atqardy.
Tórtinshi partııada da tartys joǵary deńgeıde ótti, alaıda sońǵy sátterde «Turan» oıynshylary jınaqylyq tanytty. Al taı-breıkte «Turan» 7:0 esebimen qarqyndy bastama jasap, jeńisti óz qolynan shyǵarmady. Nátıjesinde komanda maýsymnyń qola júldegeri atandy.
Matchtyń úzdik oıynshylary:– Aleksandra Meshanınova («Turan»)– Iýlııa Dymar («Berel»)
Jarystan keıin jeńimpazdar men júldegerlerdi marapattaý rásimi ótti. Saltanatty jıynǵa Qarjy mınıstri, Qazaqstan voleıbol federasııasynyń prezıdenti Madı Tókeshuly Tákıev, Jetisý oblysynyń ákimi Beıbit Isabaev, Ulttyq banktiń birinshi orynbasary Erulan Jamaýbaev, Qazaqstan voleıbol federasııasynyń birinshi vıse-prezıdenti Arman Qabesov jáne «Qarjy ortalyǵy» AQ tóraǵasynyń orynbasary Hamıt Qunarbaev qatysty.
Voleıboldan Qazaqstan chempıonatynyń pleı-off matchtary «Barys Arenada» ótedi
Sımvolıkalyq qurama (2025/2026 maýsym): – Baılanystyrýshy: Darıa Shargorodskaıa («Jetisý») – Dıagonal: Anet Alfonso Benıtes («Qýanysh») – Qabyldaýshylar: Sana Anarqulova («Qýanysh»), Iyven Mıao («Jetisý») – Ortańǵy bloktaýshylar: Valerııa Iаkýtına («Jetisý»), Elena Samoılenko («Turan») – Lıbero: Sabıra Bekesheva («Qýanysh») – MVP: Marııa Frolova («Jetisý»)
Pavlodarda voleıboldan maýsym úzdikteri anyqtalady
Qorytyndy týrnırlik keste:
«Jetisý» (Taldyqorǵan) «Qýanysh» (Petropavl) «Turan» (Túrkistan) «Berel» (О́skemen) «Býrevestnık Almaty» (Almaty) «Aqtóbe» (Aktóbe) «Qaraǵandy» (Qaraǵandy oblysy) «Astana» (Astana)