Qazan aıynda paıda bolǵan AirPods symsyz qulaqqaby Apple kompanııasynyń resmı ınternet-dúkeninde satylymǵa shyqty, dep habarlaıdy kompanııanyń resmı saıty.
iPhone 7 jáne 7 Plus smartfondarymen birge tanystyrylǵan kompanııanyń alǵashqy symsyz qulaqqabyn jeltoqsan aıynyń ortasynan bastap dúken sórelerinen kórýge bolady. Baǵasy 159 AQSh dollaryn quraıdy (~53 000 tg.).
О́ndirýshilerdiń sózinshe, tapsyrys 2 apta ishinde jetkiziledi. Qulaqqap Siri júıesi arqyly basqarylady. Siri suraq-jaýapqa negizdelgen derbes kómekshi júıe. Qulaqqapty 2 ret basyp daýys yrǵaǵyn jóndep alsańyz bolady. Ony telefonyńyzǵa qosqan sátten barlyq Apple qurylǵylaryna jalǵanady.
Qazirgi ýaqytta atalmysh ónim 100-den astam elde qoljetimdi bolyp otyr.