WBA (Super), IBO, WBC jáne IBF nusqalary boıynsha orta salmaqtaǵy álem chempıony Gennadıı Golovkın (36-0, 33 KO) álemdegi eń qaýipti boksshylar tiziminde ekinshi orynǵa jaıǵasty, - dep habarlaıdy Vesti.kz. TOP-5 tizimin NVO arnasynyń kommentatory Djım Lemplı jasady.
"Gennadıı Golovkın - bizdiń zamanymyzdyń eń myqty boksshysy. Ol qarsylastaryna ózine soqqy jasaýǵa múmkindik beredi, keı kezderi ol mańdaıynan osylaısha soqqylar alyp jatady", - dedi Lemplı óziniń The Fight Game with Jim Lampley baǵdarlamasynda.
HBO arnasynyń júrgizýshisi birinshi orynǵa ýkraınalyq Vasılıı Lomachenkony (7-1, 5 KO) qoıǵan. "Ol óz ómirinde eń qaýipti qarsylaspen sharshy alańǵa shyǵyp, bir soqqy da tıgizbeı, keremet soqqylar jasady. Ol osy áreketimen, qazirgi ýaqytta ony jeńý - qıynǵa soǵatynyn dáleldedi", - dedi ol.
Sonymen qatar, úzdik bestikke - nıkaragýalyq Roman "Chokolatıto" Gonsales, amerıkalyq Andre Ýord jáne reseılik Sergeı Kovalev kirdi.