Qazaqstan Respýblıkasy Qazaqstan Respýblıkasy
Syrtqy ister mınıstrligi Ishki ister mınıstrligi
2016 jylǵy 24 qarasha № 11-1-2/555 Astana qalasy 2016 jylǵy 28 qarasha № 1100 Astana qalasy
BIRLESKEN BUIRYQ
Sheteldikter men azamattyǵy joq adamdardyń Qazaqstan Respýblıkasyna kelýine shaqyrýlaryn resimdeý, shaqyrýlaryn kelisý, Qazaqstan Respýblıkasynyń vızalaryn berý, kúshin joıý, qalpyna keltirý, sondaı-aq olardyń qoldanylý merzimderin uzartý jáne qysqartý qaǵıdalaryn bekitý týraly
«Halyqtyń kóshi-qony týraly» 2011 jylǵy 22 shildedegi Qazaqstan Respýblıkasy Zańynyń 10-baby 1-1) tarmaqshasyna sáıkes buıyramyz:
1. Qosa berilgen Sheteldikter men azamattyǵy joq adamdardyń Qazaqstan Respýblıkasyna kelýine shaqyrýlaryn resimdeý, shaqyrýlaryn kelisý, Qazaqstan Respýblıkasynyń vızalaryn berý, kúshin joıý, qalpyna keltirý, sondaı-aq olardyń qoldanylý merzimderin uzartý jáne qysqartý qaǵıdalary bekitilsin.
2. «Qazaqstan Respýblıkasynyń vızalaryn berý, sondaı-aq olardyń qoldanylý merzimderin uzartý jáne qysqartý qaǵıdalaryn bekitý týraly» Qazaqstan Respýblıkasy Syrtqy ister mınıstriniń mindetin atqarýshysynyń 2013 jylǵy 5 naýryzdaǵy № 08-1-1-1/71 jáne Qazaqstan Respýblıkasy Ishki ister mınıstriniń 2013 jyly 7 naýryzdaǵy № 175 birlesken buıryǵynyń (Normatıvtik quqyqtyq aktilerdi memlekettik tirkeý tiziliminde № 8407 bolyp tirkelgen, 2013 jylǵy 18 mamyrdaǵy № 129 (28068) «Egemen Qazaqstan» gazetinde jarııalanǵan) kúshi joıyldy dep tanylsyn.
3. Qazaqstan Respýblıkasy Syrtqy ister mınıstrliginiń Konsýldyq qyzmet departamenti:
1) osy birlesken buıryqtyń zańnamada kórsetilgen tártippen Qazaqstan Respýblıkasynyń Ádilet mınıstrliginde memlekettik tirkelýin;
2) osy birlesken buıryq Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmelerin baspa jáne elektrondyq túrde merzimdi baspa basylymdarynda jáne «Ádilet» aqparattyq-quqyqtyq júıesinde jarııalaýǵa jiberýdi, sondaı-aq Qazaqstan Respýblıkasynyń Normatıvtik quqyqtyq aktileriniń etalondyq baqylaý bankine ornalastyrý úshin Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi;
3) osy birlesken buıryqtyń Qazaqstan Respýblıkasy Syrtqy ister mınıstrliginiń ınternet-resýrsynda ornalastyrýdy qamtamasyz etsin.
4. Osy birlesken buıryqtyń oryndalýyn baqylaý Qazaqstan Respýblıkasy Syrtqy ister mınıstriniń birinshi orynbasary M.B. Tileýberdige jáne Qazaqstan Respýblıkasy Ishki ister mınıstriniń orynbasary E.Z.Turǵymbaevqa júktelsin.
5. Osy birlesken buıryq 2017 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasy Syrtqy ister Qazaqstan Respýblıkasynyń
mınıstriniń mindetin atqarýshy ________E.AShYQBAEV Ishki ister mınıstri _____________Q.QASYMOV
«Kelisilgen» «Kelisilgen» «Kelisilgen»
Qazaqstan Respýblıkasy Qazaqstan Respýblıkasy Qazaqstan Respýblıkasy
Bilim jáne ǵylym mınıstri Densaýlyq saqtaý jáne Din isteri jáne azamattyq
__________________E. Saǵadıev áleýmettik damý mınıstri qoǵam mınıstri
2016 jylǵy 08 jeltoqsan ____________T. Dúısenova ___________N. Ermekbaev
2016 jylǵy 06 jeltoqsan 2016 jylǵy 09 jeltoqsan
«Kelisilgen» «Kelisilgen»
Qazaqstan Respýblıkasy Qazaqstan Respýblıkasy
Investısııalar jáne damý mınıstri Ulttyq qaýipsizdik komıtetiniń tóraǵasy
__________________J. Qasymbek __________________K. Másimov
2016 jylǵy 05 jeltoqsan 2016 jylǵy 30 qarasha
Qazaqstan Respýblıkasy Syrtqy ister mınıstriniń mindetin atqarýshysynyń
2016 jylǵy 24 qarashadaǵy № 11-1-2/555 jáne
Qazaqstan Respýblıkasy Ishki ister mınıstriniń 2016 jylǵy 28 qarashadaǵy
№ 1100 birlesken buıryǵymen bekitilgen
Sheteldikter men azamattyǵy joq adamdardyń Qazaqstan Respýblıkasyna kelýine shaqyrýlaryn resimdeý, shaqyrýlaryn kelisý, Qazaqstan Respýblıkasynyń vızalaryn berý, kúshin joıý, qalpyna keltirý, sondaı-aq olardyń qoldanylý merzimderin uzartý jáne qysqartý qaǵıdalary
1-taraý. Jalpy erejeler
1. Sheteldikter men azamattyǵy joq adamdardyń Qazaqstan Respýblıkasyna kelýine shaqyrýlaryn resimdeý, shaqyrýlaryn kelisý, Qazaqstan Respýblıkasynyń vızalaryn berý, kúshin joıý, qalpyna keltirý, sondaı-aq olardyń qoldanylý merzimderin uzartý jáne qysqartý qaǵıdalary (budan ári – Qaǵıdalar) «Halyqtyń kóshi-qony týraly» Qazaqstan Respýblıkasynyń 2011 jylǵy 22 shildedegi Zańyna (budan ári – Kóshi-qon týraly zań) sáıkes ázirlendi, jáne sheteldikterdiń jáne azamattyǵy joq adamdardyń (budan ári – vıza alýshylar) Qazaqstan Respýblıkasyna kelýine shaqyrýlaryn resimdeý, shaqyrýlaryn kelisý, Qazaqstan Respýblıkasynyń vızalaryn berý, kúshin joıý, qalpyna keltirý, sondaı-aq olardyń qoldanylý merzimderin uzartý jáne qysqartý tártibin anyqtaıdy.
2. Eger, Qazaqstan Respýblıkasy qatysýshysy bolyp tabylatyn halyqaralyq sharttarda osy Qaǵıdalarda qarastyrylǵannan ózge qaǵıdalar belgilense, onda halyqaralyq sharttyń normalary qoldanylady.
3. Osy Qaǵıdalarda mynadaı uǵymdar paıdalanylady:
1) azamattyǵy joq adam – Qazaqstan Respýblıkasynyń azamaty bolyp tabylmaıtyn jáne óziniń basqa memlekettiń azamaty bolyp tabylatyny týraly dáleli joq adam;
2) bıznes - kóship kelýshiler – Kóshi-qon týraly zańǵa sáıkes kásipkerlik qyzmetti júzege asyrý maqsatynda kelgen kóship kelýshiler;
3) burynǵy otandas – Qazaq Keńestik Sosıalıstik Respýblıkasynda nemese Qazaqstan Respýblıkasynda týǵan nemese buryn onyń azamattyǵynda bolǵan jáne shetelde turaqty turatyn adam;
4) «Búrkit» biryńǵaı aqparattyq júıesi (budan ári – «Búrkit» BAJ) – vıza alýshylardyń Qazaqstan Respýblıkasyna kelýin-ketýin jáne bolýyn baqylaý boıynsha birizdendirilgen aqparattyq júıe;
5) verbaldy nota – shet memleketterdiń syrtqy saıası vedomstvolarynyń, dıplomatııalyq jáne olarǵa teńestirilgen ókildikteriniń, konsýldyq mekemeleriniń, halyqaralyq uıymdardyń jáne olardyń ókildikteriniń, sonyń ishinde vıza alýshylardy shaqyrý jáne vızalar berý maqsatynda bergen jazbasha ótinishteri;
6) vızalyq kóshi-qon portaly (budan ári – VKP) – kóshi-qon prosesterimen baılanysty qujattardy resimdeýdi avtomattandyrýǵa arnalǵan portal (www.vmp.gov.kz);
7) dinı qyzmet – dindarlardyń dinı qajettilikterin qanaǵattandyrýǵa baǵyttalǵan qyzmet;
8) kelýge jáne ketýge beriletin ruqsat (budan ári – vıza) – osyǵan ýákilettik berilgen Qazaqstan Respýblıkasy memlekettik organdarynyń kóship-qonýshynyń pasportyndaǵy nemese ony aýystyratyn qujatyndaǵy vızada belgilengen merzimge, maqsatyna jáne shartyna saı Qazaqstan Respýblıkasynyń aýmaǵyna kelýge, onyń aýmaǵy arqyly ótýge, onda bolýǵa jáne Qazaqstan Respýblıkasynyń aýmaǵynan ketýge quqyq beretin belgi;
9) Qazaqstan Respýblıkasynyń Syrtqy ister mınıstrliginiń nusqaýy (budan ári – QR SIM nusqaýy) – naqty mindetterdi sheshý maqsatynda jáne Qazaqstan Respýblıkasy Prezıdenti Ákimshiliginiń jáne/nemese Úkimetiniń tapsyrmalaryna, Qazaqstan Respýblıkasynyń memlekettik organdarynyń, uıymdarynyń jáne shet elderdegi mekemeleriniń, shet memleketterdiń syrtqy saıası vedomstvolarynyń, dıplomatııalyq jáne olarǵa teńestirilgen ókildikteriniń, konsýldyq mekemeleriniń, halyqaralyq uıymdar men olardyń ókildikteriniń jazbasha ótinishiteriniń negizinde Qazaqstan Respýblıkasynyń Syrtqy ister mınıstrliginde (budan ári – QR SIM) jáne onyń shet elderdegi mekemelerinde shaqyrýlardy qabyldaý jáne kelisý, vızalardy berý, kúshin joıý, qalpyna keltirý, qoldanylý merzimderin uzartý nemese qysqartýdy júzege asyrý týraly Qazaqstan Respýblıkasynyń shet elderdegi mekemeleriniń basshylarymen, Qazaqstan Respýblıkasy Syrtqy ister mınıstrligi Konsýldyq qyzmet departamenti dırektorymen, dırektorynyń orynbasarlarymen jáne pasporttyq-vızalyq basqarmasy basshysymen jedel sheshim qabyldaý úshin qabyldanǵan jazbasha túrde resimdelgen tapsyrmalary;
10) Qazaqstan Respýblıkasynyń shet elderdegi mekemeleri (budan ári – QR shet elderdegi mekemeleri) – Qazaqstan Respýblıkasynyń shet elderde ornalasqan dıplomatııalyq jáne olarǵa teńestirilgen ókildikteri, sondaı-aq konsýldyq mekemeleri;
11) Qazaqstan Respýblıkasy Ishki ister mınıstrliginiń bólimsheleri (budan ári – QR IIM) – Qazaqstan Respýblıkasy Ishki ister mınıstrliginiń, oblystardyń, Astana, Almaty qalalarynyń jáne kóliktegi departamentteriniń kóshi-qon polııasııasy bólimsheleri;
12) QR IIM nusqaýy (budan ári – QR IIM nusqaýy) – naqty mindetterdi sheshý maqsatynda jáne Qazaqstan Respýblıkasy Prezıdenti Ákimshiliginiń jáne/nemese Úkimetiniń tapsyrmalaryna, Qazaqstan Respýblıkasynyń shet elderdegi mekemeleriniń, memlekettik organdardyń jáne uıymdardyń jazbasha ótinishiteri negizinde shaqyrýlardy resimdeý, vızalardy berý, kúshin joıý, qalpyna keltirý, uzartý, qoldanylý merzimderin uzartý nemese qysqartýdy júzege asyrý týraly Qazaqstan Respýblıkasy Ishki ister mınıstrligi Kóshi-qon polısııasy departamenti bastyǵymen (bastyǵynyń orynbasarlarymen) jedel sheshim qabyldaý úshin qabyldanǵan jazbasha túrde resimdelgen tapsyrmalary;
13) qoldaýhat – shaqyrýshy taraptyń, Qazaqstan Respýblıkasynyń vızalaryn berý, kúshin joıý, qalpyna keltirý, olardyń qoldanylý merzimderin uzartý jáne qysqartý týraly,sondaı-aq Qazaqstan Respýblıkasyna kelýge nıeti bar vıza alýshylardyń jazbasha ótinishteri;
14) maýsymdyq sheteldik jumyskerler – klımat nemese ózge de tabıǵı jaǵdaılarǵa baılanysty belgili bir kezeń (maýsym) ishinde, biraq bir jyldan aspaıtyn merzimde, atqarylatyn maýsymdyq jumystardy oryndaý úshin jumys berýshilermen jumysqa tartatyn kóship kelýshiler;
15) mıssıonerlik qyzmet – Qazaqstan Respýblıkasy azamattarynyń, sheteldikterdiń, azamattyǵy joq adamdardyń, Qazaqstan Respýblıkasynda tirkelgen dinı birlestikterdiń atynan Qazaqstan Respýblıkasynyń aýmaǵynda dinı ilimdi taratýǵa baǵyttalǵan qyzmeti;
16) óz betinshe jumysqa ornalasýǵa arnalǵan biliktilik týraly anyqtama (budan ári – biliktilik sáıkestigi týraly anyqtama) – Qazaqstan Respýblıkasynda ekonomıkanyń basym salalarynda suranysqa ıe kásipter boıynsha óz betinshe jumysqa ornalasý úshin biliktilik talaptary men bilim deńgeıine sáıkes keletin sheteldikter men azamattyǵy joq adamdarǵa halyqtyń kóshi-qony máseleleri jónindegi ýákiletti organ anyqtaǵan tártippen beriletin «Halyqty jumyspen qamtý týraly» Qazaqstan Respýblıkasynyń Zańymen belgilengen nysandaǵy qujat (ekonomıkalyq qyzmet túrlerindegi);
17) turaqty turýǵa arnalǵan ruqsat – Kóshi-qon týraly zańmen belgilengen talaptar saqtalǵan kezde kóship kelýshilerge QR IIM beretin jáne Qazaqstan Respýblıkasynyń aýmaǵynda turaqty turý quqyǵyn beretin qujat;
18) ýákiletti qyzmetker – qoldaýhatty kelisýge jáne vızalarǵa qol qoıýǵa quqyǵy bar QR shet elderdegi mekemeleriniń, QR SIM jáne QR IIM qyzmetkerleri;
19) fors-majorlyq jaǵdaılar – tótenshe jáne bolmaı qoımaıtyn jaǵdaılar saldarynan týyndaıtyn eńserilmeıtin kúsh oqıǵalary (dúleı apattar, áskerı áreketter jáne basqa da uqsas jaǵdaılar);
20) halyqaralyq ózara túsinistik qaǵıdaty – eki memlekettiń azamattary úshin vızalardy resimdeý kezinde teń jaǵdaılar usyný;
21) halyqaralyq uıym – memleketaralyq nemese úkimetaralyq uıym;
22) shaqyrýshy tarap – vıza alýshylardyń Qazaqstan Respýblıkasyna/nan kelýine/ketýine járdemdesetin Qazaqstan Respýblıkasynyń ortalyq memlekettik organdary, oblystyq ákimderdiń, respýblıkalyq mańyzy bar qalalardyń, astananyń apparattary, shet memleketterdiń syrtqy saıası vedomstvolary, dıplomatııalyq jáne olarǵa teńestirilgen ókildikteri, konsýldyq mekemeleri, halyqaralyq uıymdar jáne olardyń ókildikteri, sonymen qatar Qazaqstan Respýblıkasynda tirkelgen jeke jáne zańdy tulǵalar;
23) shetelden shaqyrý týraly qujattar (budan ári – shaqyrý) – Qazaqstan Respýblıkasyna jeke ister boıynsha kelýge QR IIM bergen shaqyrý, ne bolmasa vıza alýshylarǵa Qazaqstan Respýblıkasynyń vızalaryn berý týraly QR IIM-men kelisilgen shaqyrýshy taraptyń qoldaýhaty nemese verbaldy nota;
24) sheteldik – Qazaqstan Respýblıkasynyń azamaty bolyp tabylmaıtyn jáne óziniń basqa memlekettiń azamaty bolyp tabylatyndyǵy týraly dáleli bar adam;
25) etnıkalyq qazaq – shetelde turaqty turatyn ulty qazaq (olardyń ulttyq tıesiligin rastaıtyn qujattary bolǵan kezde) sheteldik nemese azamattyǵy joq adam.
4. Vızanyń sanaty, alýshy, márteligi, qoldanylý merzimi, Qazaqstan Respýblıkasynyń aýmaǵynda bolý kezeńi men berý negizderi osy Qaǵıdalardyń 1-qosymshasyna (budan ári – 1-nysan) sáıkes anyqtalady.
5. Vıza bir márteli jáne kóp márteli bolady.
Bir márteli vızalar vıza alýshyǵa vızada belgilengen merzimge, maqsatqa jáne talapqa sáıkes Qazaqstan Respýblıkasyna bir márte kirýge, onyń aýmaǵy arqyly ótýge, onda bolýǵa jáne Qazaqstan Respýblıkasynan shyǵýǵa quqyq beredi.
Kóp márteli vızalar vıza alýshyǵa vızada belgilengen merzimge, maqsatqa jáne talapqa sáıkes Qazaqstan Respýblıkasyna kóp márte kirýge, onyń aýmaǵy arqyly ótýge, onda bolýǵa jáne Qazaqstan Respýblıkasynan shyǵýǵa quqyq beredi.
Qazaqstan Respýblıkasy aýmaǵynan ketýge arnalǵan vızalar vıza alýshyǵa vızada belgilengen merzimge jáne talapqa sáıkes Qazaqstan Respýblıkasynyń aýmaǵynda bolýyna jáne Qazaqstan Respýblıkasynan shyǵýǵa quqyq beredi.
6. Qazaqstan Respýblıkasynyń vızalyq japsyrmasyn toltyrý osy Qaǵıdalardyń 2-qosymshasyna sáıkes júrgiziledi.
Vızalarda túzetýge jol berilmeıdi. Túzetilgen vızalar jaramsyz bolyp sanalady.
7. Vızalardyń ornyna júretin qujattar mynalar:
1) Qazaqstan Respýblıkasynda akkredıttelgen shet memleketterdiń dıplomatııalyq jáne olarǵa teńestirilgen ókildikteriniń, konsýldyq mekemeleriniń, halyqaralyq uıymdar men olardyń ókildikteriniń basshylaryna, personal múshelerine, sondaı-aq olardyń otbasy múshelerine QR SIM bergen akkredıtteý kýáligi;
2) «Jeke basty kýálandyratyn qujattar týraly» Qazaqstan Respýblıkasy Zańymen kózdelgen nysanǵa sáıkes sheteldiktiń nemese azamattyǵy joq adamnyń Qazaqstan Respýblıkasynda turýyna yhtııarhaty;
3) «Jeke basty kýálandyratyn qujattar týraly» Qazaqstan Respýblıkasy Zańymen kózdelgen nysanǵa sáıkes azamattyǵy joq adamnyń kýáligi;
4) «Ákimshilik quqyqbuzýshylyqtar týraly» Qazaqstan Respýblıkasy Kodeksimen kózdelgen nysanǵa sáıkes sheteldikti Qazaqstan Respýblıkasynan shyǵaryp jiberý týraly sottyń qaýlysy;
5) «Bosqyndar týraly» Qazaqstan Respýblıkasy Zańymen kózdelgen nysanǵa sáıkes bosqynnyń jol júrý qujaty.
8. Osy Qaǵıdalarda qarastyrylǵannan basqa halyqaralyq ózara túsinistik qaǵıdatyn eskere otyryp, Qazaqstan Respýblıkasynda bolý merzimi Qazaqstan Respýblıkasynyń azamattarynyń bolý memleketinde bolý merziminen aspaıtyn uzaq merzimdi vızalar berilýi jáne vıza resimdeý merzimi uzaq ýaqyt bolýy múmkin.
2-taraý. Vıza alýshylardyń Qazaqstan Respýblıkasyna kelýine shaqyrýlardy resimdeý, shaqyrýlardy kelisý tártibi
9. Qazaqstan Respýblıkasyna jeke ister boıynsha kelýge shaqyrý boljamdy kelý kúnine bir jyldan erte emes jáne eki aptadan keshiktirilmeı beriledi.
Qoldaýhat nemese verbaldy nota vıza alýshynyń Qazaqstan Respýblıkasyna boljamdy kelý kúnine kúntizbelik 90 kúnnen erte emes jáne eki aptadan keshiktirilmeı beriledi.
Shaqyrýdy qarastyrý merzimi, osy Qaǵıdalardyń 16-tarmaǵynda kórsetilgen jaǵdaılardy qospaǵanda, ótinish bildirgen kúnnen bastap 5 jumys kúninen aspaýy tıis.
QR IIM jáne QR SIM nusqaýy boıynsha shaqyrý qujattary qysqa merzimde qabyldanady jáne óńdeledi.
10. Shaqyrýdy resimdeý úshin shaqyrýshy tarap osy Qaǵıdalarǵa 3-qosymshaǵa sáıkes nysan (budan ári – 2-nysan) boıynsha kesteni qosa otyryp verbaldy notany QR SIM-ge usynady.
11. Shaqyrýdy resimdeý úshin shaqyrýshy tarap tirkelgen orny boıynsha kelesi qujattardy QR IIM-ge usynady:
1) Qazaqstan Respýblıkasyna jeke sapar boıynsha kelýge shaqyrý resimdeý úshin:
jeke basty kýálandyratyn qujat;
ótinish-saýalnama;
memlekettik bajdy tólegenin rastaıtyn tólem qujaty.
2) zańdy tulǵanyń nemese jeke kásipkerdiń qoldaýhatyn kelisý úshin:
2-nysanǵa sáıkes eki danada toltyrylǵan keste;
memlekettik bajdy tólegenin rastaıtyn tólem qujaty.
3) shaqyrýdy resimdeýge aǵymdaǵy jyly alǵashqy ret ótinish bildirgen zańdy tulǵalar nemese jeke kásipkerler kelesi qujattardy usynady:
zańdy tulǵanyń nemese jeke kásipkerdiń memlekettik tirkeý týraly kýáliginiń kóshirmesi;
zańdy tulǵa jarǵysynyń nemese patenttiń kóshirmesi;
zańdy tulǵanyń óz ókilin qujattardy tapsyrý úshin taǵaıyndaý týraly buıryǵy nemese senimhaty;
dırektorlar keńesiniń múshesin shaqyrýǵa qoldaýhat ótkizýshi qabyldaýshy tarap – dırektorlar keńesiniń múshesi bolyp saılaný týraly jalpy aksıonerler jınalysy hattamasynyń kóshirmesi;
sheteldik týrısterdi shaqyrýǵa qoldaýhat ótkizýshi qabyldaýshy tarap – oblystyń, respýblıkalyq mańyzy bar qalanyń, astananyń jergilikti atqarýshy organdary bergen týroperatorlyq qyzmet lısenzııasy nemese týrıstik agentterdiń Memlekettik tiziliminen úzindi kóshirmesi;
vıza alýshyny bilim alý maqsatynda shaqyrýǵa qoldaýhat ótkizýshi qabyldaýshy tarap – Qazaqstan Respýblıkasynyń bilim berý máseleleri jónindegi ýákiletti organy bergen bilim salasyndaǵy qyzmeti týraly lısenzııa jáne (nemese) lısenzııanyń qosymshasy;
vıza alýshyny emdelýge, medısınalyq tekserýge nemese konsýltasııalar úshin shaqyrýǵa qoldaýhat ótkizýshi qabyldaýshy tarap – Qazaqstan Respýblıkasynyń densaýlyq saqtaý salasyndaǵy ýákiletti organynyń medısınalyq qyzmetke bergen lısenzııasy;
12. Suratylǵan vızanyń sanatyna qaraı qosymsha usynylady:
1) ınvestorlar úshin – Qazaqstan Respýblıkasynyń ınvestısııalar jónindegi ýákiletti organynyń qoldaýhaty;
2) iskerlik saparǵa arnalǵan kóp márteli vızany resimdeý úshin – sharttyń nemese kelisimsharttyń kóshirmesi (etnıkalyq qazaqtar, burynǵy otandastar jáne osy Qaǵıdalardyń 4-qosymshasyna sáıkes, vızalardy resimdeý kezinde shaqyrýdy mindetti túrde kórsetýden bosatylatyn ekonomıkasy damyǵan, saıası jáne kóshi-qony turaqty memleketterdiń (budan ári – memleketter tizimi) azamattarynan basqa);
3) dinı is-sharalarǵa qatysý nemese mıssıonerlik qyzmetti júzege asyrý úshin – dinı qyzmet salasyn júzege asyratyn ýákiletti organdaǵy mekemeniń jazbasha kelisimi;
4) Qazaqstan Respýblıkasynyń aýmaǵyndaǵy túzetý mekemelerinde jazasyn ótep jatqan adamdarǵa barý úshin – QR IIM qylmystyq-atqarý júıesiniń jazbasha kelisimi;
5) Qazaqstan Respýblıkasynyń azamattaryn asyrap alý úshin – Qazaqstan Respýblıkasynyń balalardyń quqyqtaryn qorǵaý salasyndaǵy ýákiletti organynyń jazbasha kelisimi;
6) eńbek qyzmetin júzege asyrý úshin, sonyń ishinde maýsymdyq sheteldik jumyskerler úshin – shaqyrýshy tarapqa sheteldik jumys kúshin tartýǵa bergen anyqtamasy, ne sheteldikke bergen jumys kúshin tartý anyqtamasy, ne bolmasa Qazaqstan Respýblıkasynyń zańnamasyna nemese halyqaralyq sharttarǵa sáıkes vıza alýshyǵa mundaı ruqsat talap etilmeıtindigi týraly qujattar;
7) bısnes-kóship kelýshilerge – Qazaqstan Respýblıkasynyń oblysynyń, respýblıkalyq mańyzy bar qalalardyń jáne astananyń jergilikti atqarýshy organdarynyń qoldaýhaty;
8) oqý praktıkasynan nemese taǵylymdamadan ótý úshin – Qazaqstan Respýblıkasynyń ortalyq atqarýshy organdarynyń qoldaýhaty nemese Qazaqstan Respýblıkasy aýmaǵynda tirkelgen kompanııalar men mekemelerdiń QR SIM-men kelisilgen qoldaýhaty;
9) gýmanıtarlyq ýájder boıynsha – Qazaqstan Respýblıkasynda akkredıtasııadan ótkenin rastaıtyn halyqaralyq uıymnyń nemese onyń ókildiginiń qujaty, nemese gýmanıtarlyq kómek kórsetý týraly Qazaqstan Respýblıkasynda ratıfıkasııalanǵan halyqaralyq sharty bar bolǵanda, bolý eliniń zańnamasyna sáıkes resmı túrde tirkelgen sheteldik úkimettik emes qoǵamdyq uıymnyń (qor) qujattary;
10) bilim alý úshin – Qazaqstan Respýblıkasynyń oqý mekemesiniń nemese Qazaqstan Respýblıkasynyń bilim berý máseleleri jónindegi ýákiletti organynyń qoldaýhaty;
11) jaqyn týystaryn kútip-baǵý úshin – medısınalyq mekemelerde emdelip jatqan Qazaqstan Respýblıkasynyń azamattary, nemese Qazaqstan Respýblıkasynyń aýmaǵynda turaqty turatyn vıza alýshylar úshin – Qazaqstan Respýblıkasynda ornalasqan medısınalyq mekeme bergen turaqty kútip-baǵý qajettiligi týraly qujattary, sondaı-aq týystyq dárejesin rastaıtyn qujattar.
13. Qoldaýhatty qarastyrý kezinde QR IIM-men tekseriledi:
1) usynylǵan qujattarǵa sáıkes suratylǵan sapardyń maqsatynyń, vızanyń márteliginiń, qoldanylý merziminiń jáne ony berý ornynyń sáıkestigi. Vızany berý orny vıza alýshynyń azamattyǵyna tıesili elge jáne (nemese) turǵylyqty jerine qatysty konsýldyq okrýgke sáıkes anyqtalady. QR SIM qyzmet kórsetetin konsýldyq okrýgterin kórsete otyryp QR shet elderdegi mekemeleriniń tizimin QR IIM-ge beredi;
2) «Sheteldikterdiń quqyqtyq jaǵdaıy týraly» Qazaqstan Respýblıkasy Zańynyń 22-babynyń 7) jáne 10)-tarmaqshalaryna sáıkes sheteldikke Qazaqstan Respýblıkasyna kirýine bas tartý negizderiniń bolýy;
3) shaqyrýshy tarapqa osy Qaǵıdalardyń 15-tarmaǵynda kózdelgen shaqyrýdy resimdeýden bas tartý negizderiniń bolýy.
Eger suratylǵan sapar maqsaty, vızanyń márteligi, qoldanylý merzimi nemese vızany berý orny qosa berilgen qujattarmen rastalmasa, nemese bas tartýǵa negizder bolsa, shaqyrýshy tarapqa qoldaýhat bas tartý sebepteri jazbasha kórsetilip qaıtarylady.
14. Shaqyrý týraly qujattar resimdeledi:
1) QR IIM ýákiletti qyzmetkeriniń qolymen kýálandyrylǵan jáne mórmen bekitilgen Qazaqstan Respýblıkasyna jeke ister boıynsha kelýge shaqyrýdy berý jolymen;
2) zańdy tulǵanyń qoldaýhatynyń birinshi danasyna QR IIM ýákiletti qyzmetkeriniń qolymen kýálandyrylǵan jáne mórmen bekitilgen kelisý nómerin qoıý jolymen. Qoldaýhattyń ekinshi danasy men qosa berilgen qujattar QR IIM is nomenklatýrasyna tigiledi.
Nomeri men kelisý kúni týraly aqparat «Búrkit» BAJ-ǵa engiziledi.
15. Buryn Qazaqstan Respýblıkasynyń sheteldikterdiń quqyqtyq jaǵdaıy týraly zańdaryn jáne kóshi-qon zańnamalaryn shaqyrylǵan sheteldiktermen saqtalýyn qamtamasyz etpegen shaqyrýshy taraptyń Qazaqstan Respýblıkasyna sheteldikterdi shaqyrý jónindegi qoldaýhattary qaralmaıdy.
16. Shaqyrý qujattaryn resimdeýdi nemese olardy resimdeýden bas tartý týraly sheshimdi Qazaqstan Respýblıkasynyń Ulttyq qaýipsizdik komıteti (budan ári – QR UQK) keliskennen keıin, QR IIM nemese QR SIM ýákiletti qyzmetkeri qabyldaıdy.
QR UQK-men kelisý «Búrkit» BAJ-dy paıdalaný arqyly júzege asyrylady.
QR UQK qoldaýhatty kelisýdi 3 jumys kúnge deıingi merzimde qamtamasyz etedi. Shaqyrýlardy resimdeýdiń negizderin neǵurlym muqııat zerdeleý qajet bolǵan jaǵdaıda, QR UQK organdarynyń jazbasha suraýy boıynsha kórsetilgen merzim 30 kúntizbelik kúnge deıin uzartylýy múmkin.
3-taraý. Qazaqstan Respýblıkasynyń vızalaryn berý
§ Paragraf 1. Vıza alýshylardyń vıza alý úshin usynatyn qujattary
17. QR shet elderdegi mekemelerinde, QR SIM-de nemese QR IIM-de vıza alýshynyń nemese shaqyrýshy taraptyń tirkelgen orny boıynsha vızalardy berý úshin kelesi qujattar men málimetter usynylady:
1) kólemi 3,5 h 4,5 santımetr túrli-tústi nemese qara-aq fotosýreti bar vıza alýǵa arnalǵan vızalyq saýalnama;
2) QR shet elderdegi mekemelerinde vıza resimdeý kezinde QR IIM-de nemese QR SIM-de tirkelgen qoldaýhattyń nómiri jáne ony tirkeý kúni (vıza alýshyǵa nómirdi jáne shaqyrýdy berý kúnin shaqyrýshy tarap habarlaıdy), nemese osy Qaǵıdalardyń 25-tarmaǵynda kózdelgen vıza sanattaryn alýshylardyń qoldaýhattary;
3) shet memlekettiń jaramdy dıplomatııalyq, qyzmettik jáne sheteldik pasporty, ne bolmasa Qazaqstan Respýblıkasy osy qalypta tanyǵan jáne Qazaqstan Respýblıkasynyń memlekettik shekarasyn kesip ótýge quqyq beretin jeke basty kýálandyratyn ózge qujat (budan ári – pasport);
4) konsýldyq alym nemese memlekettik bajdy tólegenin rastaıtyn tólem qujatynyń túpnusqasy;
5) 1-nysanǵa sáıkes, vıza alýǵa qajetti qosymsha qujattar.
18. Vızalyq saýalnama qolmen anyq nemese VKP-ny paıdalaný arqyly memlekettik, orys, aǵylshyn tilinde osy Qaǵıdalardyń 5-qosymshasyna sáıkes nysan boıynsha toltyrylady.
Vızalyq saýalnamanyń suraqtaryna jaýaptar tolyq bolýy tıis.
Vızalyq saýalnamaǵa vıza alýshynyń ózi qol qoıady.
Kámeletke tolmaǵan balalardyń atynan vıza alý úshin vızalyq qujattarǵa olardyń zańdy ókilderi qol qoıady.
Qujattardy resimdeý kezinde, Vızalyq saýalnamaǵa jelimdelgen fotosýret, bas kıimdi kúndelikti kııý olardyń ulttyq nemese dinı qatystylyǵynyń mindetti belgisi bolyp tabylatyn sheteldikterden basqa, sheteldik mundaı bas kıimmen pasporttaǵy fotosýrette beınelengen jaǵdaıda, azamattyń fotosýreti jasyna saı kelýi jáne qara tústi kózildiriksiz, bas kıimsiz beti aldynan qaraǵanda adam anyq beınelengen bolýy tıis.
19. Vıza alýshynyń usynǵan pasporty kelesi ólshemderge saı kelýi tıis:
1) túpnusqalyǵyna jáne ıesiniki ekendigine kúmán keltirmeýge, belgiler, eskertpeler, jazbalar, óshirýler men túzetýler, jyrtylǵan nemese tigilgen betteri bolmaýy tıis;
2) Qazaqstan Respýblıkasynyń aýmaǵynan ketýge arnalǵan vıza alýshylardy qospaǵanda, vızalarǵa arnalǵan keminde 2 taza bet bolýy tıis;
3) Qazaqstan Respýblıkasynyń aýmaǵynan ketý arnalǵan vıza alýshylardy qospaǵanda, qoldanylý merzimi suratylǵan vızanyń qoldanylý merzimi aıaqtalý kúninen bastap 3 aıdan buryn aıaqtalmaýy tıis.
20. Qazaqstan Respýblıkasy qatysýshysy bolyp tabylatyn halyqaralyq sharttarda ózgeshe kózdelmese, 2008 jylǵy 10 jeltoqsandaǵy «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Salyq kodeksine (budan ári – Salyq kodeksi) sáıkes shaqyrýǵa qujattardy resimdeý jáne vızany berý úshin, sonyń ishinde onyń qoldaný merzimin uzartýǵa jáne qalpyna keltirýge konsýldyq alym nemese memelekettik baj alynady.
Salyq kodeksinde kózdelgen jaǵdaılarda shaqyrý qujattaryn jáne vıza resimdeý úshin konsýldyq alym jáne memlekettik baj alynbaıdy.
Vızalardy berý Qazaqstan Respýblıkasynyń zańnamasyna sáıkes konsýldyq alym nemese memlekettik baj tólengennen keıin júrgiziledi.
Tólengen konsýldyq alymdardyń somalary qaıtarylýǵa jatpaıdy.
21. Vızada QR shet elderdegi mekemeleriniń, QR SIM nemese QR IIM qyzmetkerleri jibergen qate tabylǵan kezde, vıza konsýldyq alymsyz nemese memlekettik bajsyz qaıta beriledi.
§ Paragraf 3. Vızalardy berý tártibi
22. Vızalardyń berilýi:
1) shet elderde:
QR shet elderdegi mekemeleri kelesi sanattardaǵy vızalardy beredi A1», «A2», «A3», «A4», «A5», «V1», «V2», «V3», «V4», «V5», «V6», «V7», «V8», «V9», «V10», «V11», «V12», «V13», «S1», «S2», «S3», «S4», «S5», «S6», «S7», «S8», «S9», «S10» jáne «S12»;
2) Qazaqstan Respýblıkasynyń aýmaǵynda:
QR SIM kelesi sanattardaǵy vızalardy beredi «A1», «A2», «A3», «A4», «A5», «V1», «V2», «V3», «V5», «V7», «V8», «V10», «V11», «V12», «V13», «S3», «S8», «S9» jáne «S12»;
QR IIM kelesi sanattardaǵy vızalardy beredi «A5», «V3», «V7», «V14», «V15», «V16», «V17», «V18», «V19», «V20», «V21», «V22», «S1», «S3», «S4», «S9» (etnıkalyq qazaqtarǵa), «S11» jáne «S12».
23. QR IIM vızalardy berýdi, kúshin joıýdy, qalpyna keltirýdi, merzimin uzartýdy nemese qysqartýdy sheteldiktiń ýaqytsha tirkeý orny nemese shaqyrýshy taraptyń tirkeý orny boıynsha («A5» sanatyndaǵy vıza, vıza alýshynyń naqty bolý orny boıynsha), ne bolmasa QR IIM nusqaýy boıynsha júzege asyrady.
Qazaqstan Respýblıkasynyń aýmaǵynan ketýge arnalǵan vıza, «V14» sanatyndaǵy vızany qospaǵanda, vıza alýshynyń naqty bolý orny boıynsha beriledi.
Oqýǵa arnalǵan vızalar vıza alýshyny qabyldaǵan oqý mekemesiniń ornalasqan orny boıynsha beriledi.
24. Jumys ýaqytynan tys kezde qabyldanǵan QR SIM jáne QR IIM nusqaýlary QR SIM jáne QR IIM kelesi jumys kúni resimdeledi.
25. QR shet elderdegi mekemeleri shaqyrýsyz myna sanattaǵy vızalardy kelesi negizde beredi:
1) QR SIM nusqaýy – «A1», «A3», «V1» jáne «V3» (QR shet elderdegi mekemelerindegi basshylarynyń jazbasha nusqaýy boıynsha «V3» sanatyndaǵy bir márteli vıza beriledi jáne vıza alýshylarǵa (memleketter tiziminde kórsetilgen elderdiń azamattaryn qospaǵanda) ýaqytsha kelý orny boıynsha QR IIM-de ýaqytsha tirkeýdi resimdeýge negiz bolatyn QR shet elderdegi mekemeleri Qazaqstan Respýblıkasy aýmaǵynda tirkeý týraly ótinishti qosa beredi);
2) verbaldy nota – «A1», «A2», «A3», «A4», «V1», «V3» jáne «V10»;
3) qoldaýhat (vızanyń sanatyna qaraı 1-nysanda qarastyrylǵan qujattar bar bolǵanda):
memleketter tiziminde kórsetilgen elderdiń azamattaryna (30 táýlikke deıin bir márteli vıza) – «A3», «V1», «V3», «V10» jáne «V12»;
burynǵy otandastar (Qazaqstan Respýblıkasymen baılanysyn kýálandyratyn qujattary, onyń ishinde Qazaq Keńestik Sosıalıstik Respýblıkasynyń nemese Qazaqstan Respýblıkasynnyń ulttyq pasportynda, týý týraly kýáliginde týǵan jeri týraly baǵanada tıisti belginiń bolýy nemese nekege turý týraly kýáligi, sondaı-aq Qazaqstan Respýblıkasynyń azamattyǵynan shyǵý nemese Qazaqstan Respýblıkasynyń azamattyǵyn joǵaltý týraly anyqtamasy bolsa) – «V10» (bir márteli vıza);
sheteldikterge nemese azamattyǵy joq adamdarǵa – «V4», «V5», «V8», «V9», «V10» (jerleýge nemese týysqanynyń/jaqyndarynyń aýrýyna baılanysty – bir márteli vıza, QR azamattarynyń otbasy múshelerine nemese áke-sheshelerine, sondaı-aq olardyń zańdy ókilderine – bir márteli vıza 30 táýlikke deıin, etnıkalyq qazaqtardyń otbasy múshelerine – bir márteli vıza 30 táýlikke deıin), «V13», «S1», «S2», «S4» (bir márteli vıza 90 táýlikke deıin) jáne «S10».
26. Sheteldikterdiń quqyqtyq jaǵdaıy týraly Qazaqstan Respýblıkasy Zańynyń 23-babymen belgilengen jaǵdaılarda vıza alýshyǵa Qazaqstan Respýblıkasy aýmaǵynan ketýge arnalǵan vıza berýden bas tartylady
27. Qazaqstan Respýblıkasynyń aýmaǵyna kelýge nemese Qazaqstan Respýblıkasynyń aýmaǵynan ketýge kedergi jasaıtyn negizder, sonyń ishinde shaqyrý bolǵan jaǵdaıda da, vızalar berilmeıdi, al resimdelgen vıza Qazaqstan Respýblıkasyna kelýge nemese Qazaqstan Respýblıkasynyń aýmaǵynan ketýge negiz bolyp tabylmaıdy.
28. Qazaqstan Respýblıkasynyń halyqaralyq áýejaılarynda resmı delegasııa múshelerine, Qazaqstan Respýblıkasynyń konsýldyq mekemeleri joq elderdiń azamattaryna, sonymen qatar vıza alýshylarǵa shaqyrý nemese QR SIM nusqaýy boıynsha QR SIM beredi.
29. «V9» sanatyndaǵy vızalar úshin qujattardyń kóshirmeleri, sondaı-aq QR sheteldegi mekemesiniń qorytyndysyn qujattardy qabyldaǵan kúnnen bastap 30 kúntizbelik kún ishinde QR shet elderdegi mekemeleri QR SIM arqyly tekserý jáne ruqsat berý úshin QR IIM-ge jiberiledi. QR IIM ruqsaty QR SIM-nen materıaldar kelip túsken kúnnen bastap 3 aıdan aspaıtyn merzimde beriledi.
30. Toptalǵan vıza alýshylarǵa uıymdastyrylǵan túrde Qazaqstan Respýblıkasyna kelýge jáne Qazaqstan Respýblıkasynan ketýge nemese Qazaqstan Respýblıkasy arqyly tranzıtpen ótýge toptyq vızalar resimdeledi.
Toptyń barlyq músheleri Qazaqstan Respýblıkasyna kirýde, Qazaqstan Respýblıkasynan shyǵýda, qandaıda bir pýnkte bolýda jáne Qazaqstan Respýblıkasy aýmaǵynda júrýde, Memlekettik shekaradaǵy baqylaý-ótkizý pýnkti arqyly (budan ári – ótkizý pýnkti) top quramynda birýaqytta kirýi jáne shyǵýy toptyq vızalardy berý sharty bolyp tabylady.
Toptyq vızalar osy Qaǵıdalardyń 6-qosymshasyna sáıkes nysan boıynsha aty-jóni tizimderi álipbılik tártipte ataýly tizim retinde resimdeledi.
Sonymen birge, vıza paraqtyń artqy jaǵyna nemese jeke bir paraqqa japsyrylady jáne bul paraq tizimmen birge ústińgi sol jaq buryshy búgilip tigiledi, vıza berýshi QR sheteldegi mekemesiniń, QR SIM-niń nemese QR IIM-niń mórimen bekitedi.
Ýákiletti qyzmetker tizimniń tómengi jaǵyna (laýazymy men tegin kórsetip) qol qoıady, qoıylǵan qol QR-dyń sheteldegi mekemesiniń, QR SIM-niń nemese QR IIM-niń mórimen kýálandyrylady.
Vızasy bar tizim bir danada jasalady, túpnusqasy top jetekshisine beriledi. Bir kóshirmesi Qazaqstan Respýblıkasyna kelý (ketý) kezinde ótkizý pýnktine tapsyrylady, ekinshisi - vızany bergen QR SIM-de, QR-dyń shet elderdegi mekemesinde nemese QR IIM-de qalady. Tizimge túzetýler men tolyqtyrýlar engizýge jol berilmeıdi.
31. Qazaqstan Respýblıkasy tanymaıtyn memlekettiń pasportyn usynǵan adamǵa shaqyrý negizinde bir mártelik vıza beriledi jáne ol jeke paraqqa japsyrylady. Qazaqstan Respýblıkasynan shyǵý kezinde QR UQK Shekara qyzmetiniń ókilderi nemese vızanyń merzimi bitkennen keıin QR IIM ókilderi vıza bergen organǵa jiberý úshin paraq alynady.
32. «A1», «A2», «A3», «A4», «A5», «V7», «V10», «S3», «S7» jáne «S9» sanattaryndaǵy negizgi vıza alýshynyń otbasy múshelerine, asyraýyndaǵy adamdarǵa (rastaıtyn qujattar bolǵan kezde) vıza osy Qaǵıdalarǵa sáıkes negizgi vıza alýshynyń vızasynyń merzimine beriledi nemese uzartylady. Bul rette, eger Qazaqstan Respýblıkasy Zańnamasyna sáıkes basqa qarastyrylmasa, otbasy músheleri men asyraýyndaǵy adamdar eńbek, dinı, mıssıonerlik qyzmetti júzege asyrýǵa jáne/nemese dinı birlestik qyzmetine qatysýǵa quqyly emes.
33. Vıza alýshynyń pasportynda paıdalanylmaǵan nemese qoldanylý merzimi aıaqtalmaǵan vıza bolǵan jaǵdaıda, jańa vıza ol joıylǵanda ǵana beriledi.
34. Qazaqstan Respýblıkasy aýmaǵynda vızalardy bir sanattan ekinshi sanatqa ózgertýge ruqsat beriledi:
1) QR SIM:
«A1» jáne «A3» sanattaryna – verbaldy nota nemese QR SIM nusqaýy negizinde;
«A2» jáne «A4» – verbaldy nota negizinde;
2) QR IIM:
«A5» sanatyna – «V3», «V10», «S3», «S4», «S5» jáne «S10» sanattarynan;
«V7» sanatyna – «S9» sanatynan;
«S1» sanatyna – tek etnıkalyq qazaqtar úshin buryn berilgen vızanyń sanatyna qaramastan;
«S3» sanatyna – «V2», «V3», «S2», «S9» jáne «S10» sanattarynan;
«S4» sanatyna – «V10», «S2», «S9» jáne «S10» sanattarynan;
«S9» sanatyna – tek etnıkalyq qazaqtar úshin buryn berilgen vızanyń sanatyna qaramastan, sondaı-aq vızasyz rejımmen kelgenderge;
«S12» sanatyna – vızanyń barlyq sanattarynan.
35. Vıza alýshynyń jazbasha ótinishi boıynsha jáne toltyrylǵan vızalyq saýalnamanyń (bir márteli vıza kórsetilgen) jáne konsýldyq alymdy tóleý (bir márteli vızaǵa tólengen) tólegenin rastaıtyn tólem qujaty negizinde kóp márteli vıza bir márteli vızaǵa ózgertiledi. Sonymen birge, 1-nysanda belgilengen vızanyń merzimine aýystyrylady.
Vızanyń qoldanylý merzimi shaqyrý qujattarynda kórsetilgen merzimnen aspaýy tıis.
QR shet elderdegi mekemelerinde, QR SIM-de jáne QR IIM-de beriletin vızanyń márteligin bir márteliden (shaqyrý qujattarynda kórsetilgen) kóp mártelige («A1», «A3», «A5», «V7», «S2», «S3», «S4», «S5», «S7», «S9» jáne «S12» sanattaryndaǵy vızalardyń merzimderin uzartýdan basqa) ózgertýge jol berilmeıdi.
36. QR shet elderdegi mekemeleriniń, QR SIM jáne QR IIM qyzmetkeri vızany resimdeýge usynylǵan materıaldardy zerdeleý kezinde:
1) vıza alýshynyń Qazaqstan Respýblıkasyna kelý maqsatyna baılanysty vızalyq saýalnamadaǵy aqparat mazmunyn shaqyrýdaǵy, pasporttaǵy jáne vıza alý úshin usynylǵan qosymsha qujattardaǵy kórsetilgen málimettermen salystyryp tekseredi;
2) vıza alýshynyń pasporty turaqty turatyn eline qaıtýyna nemese Qazaqstan Respýblıkasyna barǵannan keıin basqa elge ketýine quqyq beretinin tekseredi;
3) kóshi-qon qaýpi bar elderde ýákiletti qyzmetker kelesi áreketterdi qabyldaýǵa múmkin bolady: shaqyrýshy tarappen, jumys ornymen nemese oqý ornymen telefon arqyly áńgimelesý;
4) eger usynylǵan qujattar kúmán týdyratyn bolsa, vıza alýshyny áńgimelesýge shaqyrady. Áńgimelesý barysynda vıza alýshynyń vıza alý úshin usynǵan qujattarynda kórsetilgen aqparatpen, sondaı-aq basqa derekkózden alynǵan málimettermen jáne suraqtarǵa bergen jaýaptardyń mazmunymen salystyryp tekseredi;
5) kóship kelýshiniń vıza sanatynyń, márteliginiń, qoldanylý merziminiń jáne kelý merziminiń vıza alýshynyń Qazaqstan Respýblıkasyna josparlanǵan kelý maqsatyna sáıkestigin tekseredi.
37. Vızalardy berý, kúshin joıý, qalpyna keltirý, qoldanylý merzimin uzartý týraly sheshim qabyldaǵan kezde vıza alýshynyń elindegi nemese turǵylyqty turý jerindegi saıası jáne kóshi-qon jaǵdaıy eskeriledi.
QR shet elderdegi mekemeleriniń, QR SIM jáne QR IIM qyzmetkeri vızalyq qujattardy qarastyrý barysynda elinde nemese turǵylyqty turý jerinde saıası jáne kóshi-qon jaǵdaılarynda turaqsyzdyq baıqalǵan vıza alýshymen áńgimelesý júrgizedi.
Kelesi sanattaǵy vızalardy alý maqsatynda qujattardy tapsyrǵan vıza alýshylarmen áńgimelesý júrgizilmeıdi: «A1», «A2», «A3», «A4», «A5», «V10» (verbaldy notamen), «V12» (toptyq vızamen), «S3», «S10» (etnıkalyq qazaqtarǵa, bastapqy vızany resimdeýde áńgime júrgiziledi jáne alǵashqy vıza 1 jylǵa deıin, al qaıta ótinish jasaǵanda áńgimelesýsiz vıza 3 jylǵa deıin beriledi), «S11», «S12» jáne Qazaqstan Respýblıkasy aýmaǵynan ketýge arnalǵan vızalar («V14» – «V22»).
38. Ýákiletti qyzmetker vıza resimdeýge usynylǵan málimetterdi zerdeleý nátıjesinde vızalardy berý nemese vıza berýden bas tartý týraly sheshim qabyldaıdy.
39. «V9» jáne «S1» sanattaryndaǵy vızalardan basqa vızalardy resimdeý merzimi 5 jumys kúninen aspaıdy.
QR shet elderdegi mekemelerinde «V9» jáne «S1» sanattaryndaǵy vızalardy resimdeý merzimderi 5 aıdy quraıdy jáne usynylǵan vızalyq