Eýrazııalyq ekonomıkaly keńes Sıngapýr Respýblıkasymen erkin saýda aımaǵy týraly kelissóz júrgizýdi durys dep tapty, dep habarlady keńestiń baspasóz qyzmeti.
Komıssııa men Eýrazııalyq ekonomıkalyq odaq elderiniń Sıngapýrmen kelissózi birlesken zertteý tobynyń jumysy aıaqtalǵan soń bastalady.
«Komıssııanyń keńesi Sıngapýrmen odan ári jumys isteýdiń baǵyty týraly konseptýaldyq sheshim qabyldady», – dep atap ótti EEK saýda jónindegi alqa múshesi Veronıka Nıkıshına.
Sıngapýrde ımporttyń barlyq túri kedendik baj salyǵynan bosatylǵany eskerilip, qarym-qatynasty damytýdyń osyǵan baılanysty áleýetine, qyzmet saýdasy jáne ınvestısııaǵa qatysty preferensııaldy rejımge kóshýge erekshe nazar aýdarylady.
Keńestiń otyrysynda jaýapkershilik salasyn bólý jóninde ýaǵdalastyqqa qol jetkizildi. Atap aıtqanda, sıngapýrlik áriptestermen ınvestısııaǵa qatysty dıalogty odaqqa múshe elderdiń ókilderi óz betterinshe júrgizedi. Al komıssııa bolsa jalpy EAEO-Sıngapýr formatyndaǵy ózara is-qımyldy úılestiretin bolady, dep atap ótti EEK saýda jónindegi mınıstri Veronıka Nıkıshına.