Qyzylorda oblysynda eldi-mekenderdegi jergilikti turǵyndarǵa mamandandyrylǵan kómektiń qoljetimdiligin arttyrý maqsatynda transporttyq medısına jumysy uıymdastyryldy. Bul týraly Qyzylorda oblysynyń densaýlyq saqtaý basqarmasynyń basshysy Aqmaral Álnazarova habarlady.
- 2016 jyldyń 10 aıynda 125 eldi-mekenge jyljymaly medısınalyq keshender shyǵyp, 30678 adamnyń densaýlyǵy tekserildi. Onyń skrınıngpen qamtylǵany 51,7%-dy quraıdy. Nátıjesinde 6894 naýqas anyqtalyp, onyń 5145-niń emdelýine jaǵdaı jasaldy,- dedi basqarma basshysy.
2016 jyldyń 10 aıynda sanıtarlyq avıasııaǵa shaqyrtýlar sany 27,5%-ǵa artty. Onyń ishinde 34,6%-y tasymaldanyp, 35,3%-i keńes aldy jáne 21,7%-yna ota jasalyndy.