Búgin Qazaqstan Prezıdenti Nursultan Nazarbaev Reseı Federasııasyna jumys sapary aıasynda Sankt-Peterbýrgtegi «BIOKAD» jabyq aksıonerlik qoǵamy jumysymen tanysty.
Bul halyqaralyq deńgeıdegi farmasevtıka salasynda orny aıryqsha kásiporyn. Onda dári-dármek óndirisimen qatar bıomedısına baǵytynda túrli ǵylymı zertteýler júrgiziledi. Ásirese, munda onkologııalyq aýrýlarǵa qarsy qoldanylatyn dárilerge qatysty óte sátti zertteýler jasalǵan. Al búginde onda adam ómirin uzartatyn da dárilik preparattar daıyndalýda. Qazir «BIOKAD» kompanııasynda jasalatyn dárilik preparattardyń ataýy qyryqqa jýyqtaǵan, sonymen qatar bulardyń qataryn kóbeıtetin taǵy qyryq shaqty ónim zerttelý ústinde eken.
Eske salsaq, osydan biraz buryn Astanada ótken Qazaqstan men Reseı yntymaqtastyǵynyń óńiraralyq HIII forýmynda osy «BIOKAD» JAQ men «Qaraǵandy farmasevtıka kesheni» JShS dárilik zattar óndirisiniń tolyq sıkliniń tehnologııalyq transferi týraly kelisimge qol qoıǵan bolatyn. Bul bizdiń elde de aıryqsha basymdyqqa ıe medısına salasyndaǵy zertteýlerdiń ilgerileı túsýine ashylǵan taǵy bir múmkindik.
Dınara BITIKOVA, «Egemen Qazaqstan».
Sankt-Peterbýrgten