Jańa jyl merekesi atap ótiletin kezeńde 31 jeltoqsan men 4 qańtar aralyǵynda jáne qańtardyń 7-8-i kúnderi Astana ishki ister departamentiniń jeke quramy kúsheıtilgen qyzmet kestesine kóshiriledi, dep habarlady elorda ákimdiginiń baspasóz qyzmeti.
QR IIM polısııa qyzmetkeri men Ulttyq ulannyń jaýyngerleri jalpy sany 1500 adam qoǵamdyq tártipti qorǵaýǵa jumyldyrylady. Sondaı-aq, mereke kúnderi avtopatrýlder kóptep tartylatyn bolady.
IID habarlaýynsha, qazirgi ýaqytta qoǵamdyq oryndarda azamattardyń qaýipsizdigin qamtamasyz etý úshin tolyq sharalar kesheni júrgizilýde. Oqıǵa ornyna der kezinde jetý úshin qosymsha jedel-tergeý toptary quryldy. Qaıǵyly oqıǵalardyń aldyn alý úshin sertıfıkattalmaǵan pırotehnıkalyq ónimderdi satýdyń jolyn kesý boıynsha jumys júrgizilýde. Tyıym salynǵan zattardy ákelýge jol bermeý úshin baqylaý kúsheıtildi.