Batys Qazaqstan oblystyq qazaq drama teatrynda dástúrli Prezıdent shyrshasy bolyp, oǵan aýdandar men qaladan jetim, ata-ana qamqorlyǵynsyz qalǵan, áleýmettik jaǵynan az qamtylǵan jáne kóp balaly otbasylardan shyqqan, sondaı-aq ár salada tabysqa jetken 180 oqýshy qatysty, dep habarlady QazAqparat.
Balalardyń 126-sy aýdandardan kelse, 6-ýy balalar úıiniń, 15-i damý múmkindigi shekteýli balalarǵa arnalǵan arnaýly mektep-ınternat tárbıelenýshileri, 9-y - oblystyq mektepterdiń, 24-i - Oraldaǵy bilim ordalarynyń oqýshylary.
Shyrshany aınala, bı bılep, án salǵan jas jetkinshekter Elbasy Nursultan Nazarbaevtyń beınequttyqtaýyn tyńdady. Jańajyldyq shyrsha barysynda oblys ákimi Altaı Kólginov jetkinshekterge izgi tilegin bildirip, Elbasynyń quttyqtaý hatyn oqyp berdi.
Aıta keteıik, BQO bilim basqarmasynan túsken málimetke qaraǵanda, jańajyldyq shyrshany ótkizýge 15,7 mln teńge bólingen. Elbasy atynan ár balaǵa ishinde qysqy kıim, aıaqkıim, sporttyq kıim, basqa da tartý-taralǵylar bar 80 myń teńgeniń syılyǵy tabys etildi.