QR AKM Baılanys, aqparattandyrý jáne BAQ salasyndaǵy memlekettik baqylaý komıtetiniń tóraǵasy saılandy, - dep habarlaıdy egemen.kz mınıstrliktiń saıtyna silteme jasap.
"Búgin Qazaqstan Respýblıkasy Aqparat jáne kommýnıkasııalar mınıstrliginde Ádil Ǵalymjanuly Qojyqov QR AKM Baılanys, aqparattandyrý jáne BAQ salasyndaǵy memlekettik baqylaý komıtetiniń tóraǵasy bolyp saılandy", - delingen habarlamada.
Ádil Qojyqov 1978 jyly týǵan, ál-Farabı atyndaǵy Qazaq ulttyq ýnıversıtetin "Saıasattaný" mamandyǵy boıynsha tamamdaǵan. О́ziniń eńbek jolyn 2000 jyly Ortalyq Azııa saıası zertteýler agenttiginde ǵylymı qyzmetker bolyp bastaǵan. Ár jyldary QR Prezıdentiniń janyndaǵy Qazaqstan strategııalyq zertteýler ınstıtýtynda, QR SIM janyndaǵy Syrtqy saıasat jáne taldaý ortalyǵynda jumys istegen.
2005-2011 jyldar aralyǵynda QR Prezıdentiniń Ákimshiliginde túrli laýazymdarda qyzmet atqarǵan: Qaýipsizdik Keńesi Hatshylyǵynyń aǵa sarapshysy, Aqparattyq-taldaý ortalyǵynda sektor meńgerýshisi, Baspasóz hatshynyń orynbasary, Strategııalyq ázirlemeler jáne taldaý ortalyǵy meńgerýshisiniń orynbasary.
2011-2012 jyldary - QR Baılanys jáne aqparat mınıstrligi "Telekommýnıkasııa salasyndaǵy tehnıkalyq súıemeldeý jáne taldaý ortalyǵy" RMK dırektorynyń orynbasary, 2013-2014 jyldary - QR Premer-Mınıstri Keńsesi Aqparattyq-taldaý ortalyǵynyń meńgerýshisi, 2014 jylǵy sáýir - 2016 jylǵy qyrkúıek aralyǵynda "Taldaý jáne aqparat ortalyǵy" sharýashylyq júrgizý quqyǵyndaǵy respýblıkalyq memlekettik kásipornynyń dırektory laýazymyn atqardy.
2016 jylǵy qazan-jeltoqsan aralyǵynda - QR Aqparat jáne kommýnıkasııalar mınıstriniń keńesshisi.