Maman biliktiligi mańyzdy

Keshe Memlekettik qyzmet isteri jáne sybaılas jemqorlyqqa qarsy is-qımyl agenttiginde vedomstvonyń memlekettik qyzmet departamentiniń dırektory Maqsut О́teshevtiń qatysýymen brıfıng ótti. Onda áńgime memlekettik qyzmetke qabyldanatyn úmitkerlerge qoıylatyn shart, talaptar týrasynda órbidi. Departament dırektorynyń málimdeýinshe, bolashaqta úmitkerge qoıylatyn biliktilik talaptary árbir memlekettik organmen derbes jasalady jáne ol mindetti túrde Memlekettik qyzmet isteri jáne sybaılas jemqorlyqqa qarsy is-qımyl agenttigimen kelisýge jatady. Mundaı shart barlyq mem­lekettik laýazymdarǵa bilimi, eńbek ótili jáne quzyrettiligi boıynsha biryńǵaı talaptar ornatady dep kútilýde. «Aıtalyq, bilimge qatysty talaptar laýazym deńgeıine baılanysty ornatylady. Birqatar laýazymdarǵa, mysaly, aýyldyq jáne aýdandyq deńgeılerge ortadan keıingi jáne tehnıkalyq pen kásibı bilimder ruqsat etilse, ortalyq deńgeıdegi laýazymdyq qyzmetke úmitkerden Prezıdent janyndaǵy Memlekettik basqarý akademııasynda oqý ótkergendigi nemese sheteldik bilimi bar bolýy eskerilýi múmkin. Mundaı bilimi bar úmitkerlerge memlekettik qyzmette eńbek ótiliniń qysqalaý merzimi talap etiledi (máselen, 5 jyldyń ornyna 3 jyl memlekettik qyzmettegi ótil jetkilikti)», dedi Maqsut Ybyraıuly. Qalaı bolǵanda da, memlekettik qyzmetke úmitkerlerge jumys ótiliniń mańyzy joǵary degen sóz. Osyǵan oraı, mansaptyq úlgi ıkem­di­ligin qamtamasyz etý men jeke sek­tordan daryndy mamandardy tar­tý úshin memlekettik organdar min­detterimen uqsas qyzmet sala­larynda jumys ótili bar azamat­tar ara­synda «ashyq» irikteý júrgizý qa­rastyrylǵan. Sondaı-aq, mem­le­kettik apparatty kásibılendirý boıynsha jańa tásilderdi iske asyrý úshin jańarǵan biliktilik talaptarynda tómengi turǵan laýazymda bir jyldan kem emes ótili bolǵan jaǵdaıdaǵy memlekettik qyzmette kezeń-kezeńimen jyljytý tetigi engizilgendigin atap ótý kerek. Sonymen qatar, memlekettik qyz­metke úmitkerlerdiń biliktilik talaptary mem­le­kettik qyzmettegi jańa tá­silderdiń en­gizilýimen je­til­di­rilýde. Osy maq­satta júr­gi­zilgen saraptama ne­gizinde, en­digi kezekte áskerı qyz­mette, Par­lament pen máslıhat de­­pý­tatynyń mártebesindegi, sot já­­ne halyqaralyq qyzmetker márte­be­sindegi jumys ótili eskeriletin bolady. Sondyqtan da, aǵymdaǵy jyly biliktilik talaptarǵa jańa «biliktilik» uǵymy engizilgen. Bul – árbir qyzmetkerge tıimdi ju­mys jasaý úshin qajetti bi­lim men daǵdylardan turatyn jıyn­tyq. Biliktilikti baǵalaýdyń avto­mattandyrylǵan júıesi ár­bir­ bi­liktilikti tekserý úshin 12 tes­t­- ­t­ik­ jumystan quralǵan. Onyń bir ereksheligi, basshylyq qyz­metke úmitkerlerge 10 biliktilik deń­geıin anyqtaýǵa – 90 mınýt, al qal­ǵan qyzmetke úmitkerler úshin 8 biliktilik deńgeıin anyqtaýǵa 75 mınýt beriledi. Sonyń ózinde, jyl basynan beri jalpy jeke qa­sıet­terin baǵalaýda testileýden ótken­der­diń 76,3 paıyzy joǵary baǵaǵa ıe bolǵan. Aıta keteıik, qazirgi ýaqytta agenttik biryńǵaı biliktilik negizi retinde jetildirilý ústinde. Osy tásil árbir deńgeıdegi qyzmettiń biliktiligin tekserý talaptaryn naqtylap alýǵa múmkindik beredi ár azamatty memlekettik qyz­­met­ke irikteýde olardyń teń múm­kin­dik alýyna jáne memlekettik qyz­metkerlerdiń tıimdi jumys atqarýy úshin kásibı deńgeıin arttyrýǵa baǵyttalǵan. Nurlybek DOSYBAI, «Egemen Qazaqstan»