QR Premer-Mınıstri Baqytjan Saǵyntaev ákimderge jylý maýsymyn oqys jaǵdaısyz ótkizýdi tapsyrdy.
Úkimet otyrysy barysynda QR Premer-Mınıstri Baqytjan Saǵyntaev turǵyndardy jylýmen qamtýǵa oqys jaǵdaılar bolǵan óńirler ákimderine eskertý jasap, olardyń aldaǵy ýaqytta mundaı jaǵdaılarǵa jol bermeý sharalary týraly baıandamasyn tyńdady.
«Qurmetti ákimder, esterińizge salamyn, sizder jylý merzimin turaqty ótkizýge jekeleı jaýaptysyzdar. Biz bul týraly únemi aıtamyz, sizderdiń sózderińizdi tyńdaımyz, biraq soǵan qaramastan, jelilerde túrli apattar bolyp jatady. Bárin baqylaýda ustaý kerek. Eń bastysy, Jańa jylda adamdarǵa problema jasamaýymyz kerek. Jańa jyldy barlyǵy jyly jerde qarsy alǵysy keledi. Jylý maýsymyn ótkizýge jaqsy jaǵdaı jasaıyq, ásirese, mereke kúnderi,- dedi B.Saǵyntaev.
Osyǵan baılanysty Premer-Mınıstr Energetıka mınıstrine JES-terdegterdegi, qazandyqtar men stansııalardaǵy otyndardy baqylaýda ustaýdy tapsyrdy. Ákimderge jylýmen qamtýdy únemi baqylap otyrýdy júktedi.
Arnur ASQAROV, «Egemen Qazaqstan»